Littafan Hausa Novels

Tattalin So Hausa Novel Complete

Written by Hausa_Novels

Tattalin So Hausa Novel Complete

 

 

 

 

 

 

 

 

 

TATTALIN SO-1 PG-1 Kanal Aliyu Gwarzon jarumin soja kenan, Alhaji Yahuza shi ne mahaifinsa, matansa biyu da ‘ya’ya biya. Hajiya Habiba ita ce uwargida, da ‘ya’yanta uku. Aliyu shi ne babba, sai Sani da Sa’adiya. Sai Hajiya Talatu me ‘ya’ya biyu, Ni’ima da Hamza. Dukkaninsu kansu a hade ya ke, da ya ke sun sami tarbiya sam babu yan ubancin nan bare nuna banbanci a junansu. Alhaji Safiyanu kanin Alhaji Yahuza ne, uwarsu daya ubansu daya, matarsa daya Hajiya Saude, da ‘ya’yansu uku, maza biyu Faruq da Sadiq, sai karamar su mace mai suna zainab. Babban gida ne kowanne da bangarensa, gaba dayansu akwai kyakkyawar dangantaka da son juna a tsakaninsu. Mahaifiyarsu Hajiya Babba, ita ma a gidan ta ke bangarenta daban. Dattijuwar arziki ce me addini da ibada, ga ta da kokarin zumanci, du inda ta ji dan’uwanta wanda ko kaka dangantaka ta hada su, sai ta jawo shi jikinta ya ci arzikinta da na ‘ya’yanta. Hajiya kyaftin kenan dattijuwar arziki, ko yaushe jikokinta suna tare da ita tana hada kawunansu, tana yi musu nasihohi da tattausar murya, ta rinka yi musu tarihin Annabawa da abubuwan da ta san za su karu dasu, su kara samun fahimta ko da a makaranta ne.

[1:15PM, 04/05/2017] ๐Ÿ’ž@lh@ji๐Ÿ’ž: TATTALIN SO 1**2

Namiji Baya Kadan Hausa Novel Complete

Yace, kai hajiya, kin matsanta min da maganan auren nan, wai ke bakya kishina ne?

Tace ni ai indai akan wannan ne banayi, ka samo min abokiyar zama, idan kuma kai bazaka iya ba ni na samo maka.”

hajjaju kenan, za’a nemo in Allah ya yarda. Tace dakai wani ne saika samo a hadaka da ‘yar uwarka sadiya, tunda kaga ansa rana data yi candy za’ayi aure insha Allahu.”

yace kai hajiya, kedai kina son hada sabgata da yaran nan so kike su rainani ne?

Tace, “ai kaji sha’anin naka, sai son girma kamar gyambo, yo meyesa baka nemo tuni kayi ba? To bari kaji na fada maka, ko ka nemo yarinyar da kake so ayi auren kafin bikin sadiya, ko kuma ayi auren lokaci daya da sadiya.”

ya mike yana dariya, “hajaju kenan, kin taba ji anyiwa namiji auren dole? Tace za a fara shi kuwa daga kanka.”

hajiya dai da gaske take lamarinta, don ta matsu taga Aliyun yayi aure, tana so ya kara samun daraja da mutunci a gun iyayenshi, saboda Aliyu yaro ne nutsatse mai hankali da nutsuwa, yana da biyayya. Du abunda iyayensa suke so shi za yayi.

Du da karancin shekarunsa yanada halin ya kamata, shiyasa ya zama abokin shawarar iyayensa.

Karfe shidda na yamma direba ya kwaso ‘yan makaranta tun safe. Da yake zainab a firamare take, karfe daya ake tashinsu, to saita shiga lesson na awa daya, karfe biyu take fitowa sannan antashi su sadiya da ni’ima da suke ‘yan sakandare. To sai suyi sallah direba ya kawo musu abinci suci, sai kuma shiga islamiya data ke duk a cikin makarantar. Karfe hudu zasu fito sallar la’asar, suyi dan ciye-ciyensu su kuma komawa aji, sai karfe shidda za’a tashesu suyo gida.

Yau direba yana tsayawa zainab ta bude ta fito tayi bangarensu, kicin ta nufa don tasan mamanta tana kicin ita da ‘yan aikinsu don gudanar da girkin dare.

Hajiya saude ta tari ‘yarta da murna tana cewa, “sannu da zuwa auta.” ta rungumeta suna dariya ta cika uwar tata ta nufi firiji tana cewa, wallahi mama yunwa nake ji.” ta bude firij tace kai mama ina vanilla ice-cream dina?

Mama tace a’a zeey bana son rigima, ba tun jiya kika gama shanye naki ba?

Tace “to mama bana sa ragowar dayan a firij ba.” tace to ai kuwa dashi sadik ya tafi makaranta da safe.

Zainab tanajin haka ta yarda jaka ta hau tsalle da ihu tana kuka, “wallahi saiya biyata ice-cream. Faruk da sadik suka shigo duk da goyon jakunan su, suma nasu direban ya dauko su, don makarantar matan daban ta mazan daban aka sakasau.

Tace “wai ice-cream dinta tasa a firij waye ya daukar mata a cikinku. Faruk yace “mama ai sadik ne ya tafi dashi makaranta.”

sadik yace ai banaki bane ragowa ne na dauka da zaki kama yiwa mutane kuka.”

tace “to bani nasa shi a firij ba kaje ka dauka min ba, wallahi sai biyani abuna.” taci gaba da kukanta tana tsalle. Aliyu yana dakinsa ya ringa jiyo ihunta, ya shigo da sauri yana cewa lafiya?

Me akayi mata mama? Tace rigimar data saba ne kawai, ice-cream ne du sunsha roba dai-dai, ragowar daya ne wai ta dauka tasa a firij shikuma dan uwan dayan abokin yin nata ya dauke ya tafi makaranta dashi ya shanye, shiya kawo wannan rikici nata.” ya daka mata tsawa, “tashi zaune.” ta mike a razane tayi daki da gudu. Dai-dai lokacin ni’ima take shigowa take cewa “wallahi yaya ko abinci bata ci a makaranta ba sai youghot me sanyi ta rinka siya tana sha wuni guda, yaya sadiya tai ta mata fada ta kwace youghot din ta siyo mata meat pie da yambos, saida taga zata daketa sannan taci.

Aliyu yace a’a ba akai muku abinci bane?

Tace, “ankai mana mana, bata cin abinci sai kayan zaki dana sanyi take sha.”

ya kwada mata kira da karfi, “zainab kina ina? Ta fito daga falon da sauri ta rabe a waje daya. Yace maza ni’ima shiga kicin ki zubo mata abinci ina zaune ta cinye shi.

Ni’ima ta zubo mata abinci ta dire a gabanta, Aliyu ya daka mata tsawa dauki ki cinyeshi. Taja filet din ta fara cin abincin, tsoronsa take ji sosai, don tasan baya wasa.

Yace ki cinye shi du idan kika rage ko kaka nida kene. Ya juya ya fita, ya sami direba a waje ya bashi dubu biyar, yace yaje bakori ya siyo masa ice-cream da youghot masu sanyi, da gashashiyar kaza guda biyu.” ya wuce dakinsa. Zainab kuwa tana zaune tana kuka tana tura abincin, saida ta cinye tas sannan ta tashi tayi daki ta kuka, me aikinsu ta bita tana rarrashinta, ta hada ruwa a baho, ta cuda ta sannan ta kyaleata ta karasa wankan da kanta ta dauro alwalar sallar magariba, tana cikin shiryawa taji sallamar direba da yake kaisu makaranta. Mama ta amsa masa, ya shigo ya durkusa yace, “gashi mama inji yaya Aliyu, na zainab ne.

Maman ta karba tana budawa, tace “Aliyu kenan, ai shine ma ja gaban sangartar da zainab, don daman can shiya koya mata irin wannan cimar bata damu da abinci ba, gashi ta fara girma abu yana nema ya zame mata jiki.

ta kwala mata kira, ta fito da sauri tana cewa “mama me yayan ya kawomin. Ta tura ma kayan, gashinan ‘yar lelen yaya. ta fito ta kama dubawa, robar yght guda shida, ice-cream guda shida, gasassun kaji guda biyu, ta dauki robar ice-cream da nono dai-dai ta saka a firij, tace wlh mama kada ki bari sukuma daukar min.

 

surayya

[1:16PM, 04/05/2017] ๐Ÿ’ž@lh@ji๐Ÿ’ž: TATTALIN SO 1**3

 

MAMAN ta bata kaza daya da youghot guda uku, ice-cream guda uku, gashi nan saii tafi gidan hajiya ki hadu keda ‘yan uwanki mata da mazan tunda suna can kuci, wannan kuma in na nashiga wajen su hajiya cin abinci maci acan.”

zainab ta dauki ledar tayi bangaren wajen hajiya, ta shiga da sallamarta, ni’ima ta tarota tana dariya tare da cewa, “sai ‘yar gidan daddy, me kika samo mana.

Tace, “ai bazaki ciba tunda kika sa aka sani cinye abinci.” tace haba yi hakuri ‘yar kanwata, kinsan tsakaninmu bata baci.”

sadiya ta karbo kayan tace, bawanin kunyi fada da ita dani take shiri.” gaba daya suka hadu suna cin kazar da youghot din da ice-cream din. Ahaka Aliyu ya shigo ya sami kujera can nesa dasu yana duba jarida. Zainab tasa jummai mai aikinsu ta dauko mata jakarta ta islamiya tana son yin hadda, don gobe malaminsu yace su zo masa da haddan Arrahaman izu bakwai.

Ta bude Qur’ani ta bawa hajiya, tace hajiya rikemin nayi hadda, gobe malam yace muzo masa da hadda, du wanda bai iya ba zai sha bulala.

Hajiya ta rike mata Qur’ani ta fara karanto Arrraman cikin kwararen larabci irin wanda ake koya musu a islamiyasu, da yake tana da zakin murya, gashi ta iya fitar da kowane harafi, ta iya rera karatun da kome kake yi in kaji saika tsaya ka saurareta.

Aliyu ya lumshe ido yana mai jin dadin karatun nata, a ransa kuwa fassara suran yake yi yana fasalta mata ‘yan aljannan da Allah ya yiwa rahama. Tana kaiwa karshen suran tace Alhamdulillah, na haddace a kaina.”

hajiya tace “barakallahu fik, kin wuce dukan malam.” hajiya tace shiyasa nake sara miki mutuniyata

shagwabarki bata damuna tunda akwai ki da kwakwalwa mai kyau, du abunda aka gaya miki kya dauke shi a kanki.

Sadik yace “iyayi dai da neman suna wai ita ace mata mai ilimi.”

zainab tace toh ilimi karyane? Ai ilimi shine kan gaba a rayuwar dan Adam. Ilimi lallai ne mace ya kasance tana kula dashi, ilimin addinin ta da kuma ilimin rayuwa.

Misali, bari na baka misali da kowanne. Ilimin addini don tasan yadda hukunce-hukunce sallah, tsarki, jinin al’ada, jinin biki da dai sauransu.

Ilimin rayuwa kuwa, don kanta ya waye ya kasance tasan abunda yake faruwa a duniya, koda ta sauraron ko radiyo, kada ace mace bata san sunan gwamnan garinsu ba, ko shugaban kasa. Kinga akwai karancin wayewa a wajenki kenan.

Ilimi wani abune da yake karawa mutum daraja, Allah mai girma da daukaka yace “Allah ya shaida lallai babu abun bautawa da gaskiya sai shi.” kuma mala’iku ma’abota ilimi sun shaida yana tsayar da adalci mabuwayi mai hikima. Kaga saboda muhimmacin ilimi a wannan aya, sai Allah ya ga hada shaidarsa data mala’iku da kuma ta masu ilimi.

Ashe du wanda ba malami ba, ba kuma mai neman ilimi ba, toh bai cika cikakken mutum ba. Haka kuma annabi ya fada acikin wani hadisi, “duk wanda Allah yaso shi da Alkhairi, saiya fahimtar dashi Addini.” haka kuma yana cewa, “neman ilimi farilla ne akan kowane musulmi namiji ko mace.

Kuma Darajar farko idan ance ilimi shine ilimin addinin musulunci,sai kuma ilimi na rayuwa, kamar su ilimin likita, injiniya, siyasa, mu’amala da dai sauransu.

Daraja da kimar ‘ya mace tana karuwa gwargwadon yadda ta kula da iliminta, kamar kuma yanda darajar da kimarta take lalacewa a wulakance sakamakon yanda taki yin ilimi.”

mace ta gar itace wadda kunya bata hanata neman ilimi, ilimi na addini kona rayuwa. Ka duba ka gani, nana Aisha matar manzon Allah (S.A.W) du da yarinya ce karama, domin har annabi ya bar duniya shekarunta sha takwas ne, amma tayi gwagwarmaya da maza wajen haddace hadisan Annabi (S.A.W), domin itace ta hudu a cikin mutane bakwai da suka fi kowa haddace hadisai annabi acikin sahabbai.

Kaga wannan yana nuna kulawar mata da ilimi kenan.

To kada kuma yi min zargin son gwaninta ne yake sani yin karatu, a’a inason yin koyi da nana Aisha ne, don nima inaso na zama mace ma wadatatcen ilimi.

Hajiya tace Allahu akbar, Allah ya baki ikon yi.

‘yan’uwan suka sa mata dariya, tare da cewa sai auta.

Aliyu yarinyar yaji ta burgeshi, ta kara shiga ransa sosai, yanda take da kyakyawar kwakwalwa ya kamata abarta tayi ilimi mai zurfi don ta zama wani abu gaba. Iliminta ya amfani sauran al’umma.

Washe gari yaya Aliyu sammako yayi ya koma kaduna bakin aikinsa. Cikin hukuncin ubangiji sai ga mama da ciki, don ita harta fitar da ran sake haihuwa, to ta ga zainab shekara bakwai harda wata uku. Sannu a hankali hajiya tana matsawa aliyu da maganar aure, shifa ya gaya mata bashi da lokacin da zai tsaya duba matar da zai aura, ita tace “to ta nemo masa, don ita tanada lokaci.

Du da akwai gidan makocinsu Alh haruna, ‘yar gidan mansura ita take mutuwar son Aliyu, du sanda yazo tai ta shige da fice kenan a gidan, ayi masa soye-soye na kayan dadi akawo masa, amma baya kulawa saidai kannensa su cinye, hajiya ta zuba tukuici.

Duk yanda mansura taso taja ra’ayinsa don ya sota, ya rinka sauraranta bata isa ba, ko kallonta ba yayi saboda miskili ne.

Ita kuwa hajiya taga tayi tayi dashi ya samo matar da zai aura ya kasa, suka nema masa auren mansura.

 

Surayya Abubakar

[1:16PM, 04/05/2017] ๐Ÿ’ž@lh@ji๐Ÿ’ž: TATTALIN SO 1**4

SUKA nema masa auren mansura. Alh

haruna mahaifinta yaji dadi, inda yace a

hade sa ranar data yaya sadiya ayi biki

gaba daya.”

da mansura taji wannan labarin kamar ta zuba ruwa a kasa tasha don zumudi da

murna. Shikuwa yaya Aliyu ya hakura ne

ya yarda don bashi da yanda zaiyi, tunda

iyayensa da kakansa sunfi karfinsa.

Yaya sadiya sunyi candy a ranar suka yi

fatin candy, kawayenta da ‘yan makarantar sun shayin hotuna harda

bidiyo caset don dai tarihi. Sun kakkarbi

adireshin junansu da lambobin waya,

don dai su rinka tunawa da juna suna

sada zumunci a junansu.

Satinsu biyu da candy yaya sadiya ta fara rabon katin bikinta. Inda itama mansura

ta ke raba nata katin bikin ga kawayenta

da ‘yan uwa.

Haka yaya Aliyu anbawa sani ya kai

masa katunan can kaduna, yanata

rabawa abokan aikinsa da abokan arziki. Ranar alhamis akayi kamun mansura,

ranar jumma’a akayi kamun yaya sadiya.

A ranar yaya Aliyu ya dira daga kaduna,

da wasu tawagar abokanan nasa da yayi

musu masauki a daya daga cikin gidajen

iyayensu. Washe gari ranar asabar akayi daurin

aure, gaba daya ankon galila shadda

suka matsa, da hadadden dinki yi mata

na aikin saa. Du ita suka sa, saida akaje

gidan su mansura aka dauro auren yaya

Aliyu, sannan aka daura auren yaya sadiya, daga nan maroka suka shiga

busa da kade-kade, su Alh suka shiga

rabon kudi ana watsawa maroka kudi.

Haka abokanan yaya safiyanu mijin

sadiya, sukai ta watsawa maroka kudi.

Karfe hudu dai-dai aka shirya walima, kawayen yaya sadiya da kawayen

mansura, abokanan yaya Aliyu da

abokanan yaya safiyanu, du sun ci

kwalliya ta kece raini, hadaddun ‘yan

mata gogaggu, wannan ta wace wannan,

wannan tana wace waccan, sun sha ado da kwalliya.

A harabar gidansu akayi da yake

farfajiyar katuwa ce, an kafa rumfuna

aciki an zuzzuba kujeru farare acikin

rumfar.

An ware gunda Aliyu da mansura, safiyanu da sadiya zasu zauna.

Anyiwa wajen ado da fulawoyi da roba

balan-balan, an wadata wajen da amare

da angwaye, sunyi kyau kamar fulawa

aka dasa dan kyau.

Ni’ima ‘yar shekara sha hudu ta fara zama budurwa, domin makerin budurci

har ya fara kerata. Tayi kyau ta ratso

cikin tsakiyar filin gurin da lasfika take, ta

dauki lasfikar tace, “ansuturillah.” ta fada

sau uku, jama’ar sai kowa sukayi shiru

suka zuba ido. Ni’ima ta kalli inda iyayenta suke taga

daddyn zainab da Abbansu, shigarsu iri

daya. Haka iyayen su mata duka su ukun

shiga iri daya suka yi.

Ta kalli jama’a taga kowa yayi shiru ya

nutsu ya zuba mata ido. Saita ce “muyi salati ga annabi.” gaba

daya suka ce (s.a.w).” bayan an gama

karantawa tace, “ya shafi sha biyu, Allah

ya shafe du wata fitina da zata kunnowa

ma’auratan nan.” gaba daya akace

ameen.” bayan angama tace Ayatul kursiyu kafa

uku, Allah ka karemu ga mugun ji, mugun

gani, sharrin mutum dana Aljan, da

sharrin duk wani abunki.

Allah ya basu zaman lafiya, Allah ya basu

zuri’a dayyiba saliha, Allah yasa anyi wannan aure a sa’a.

Ta cika da fatiha, ta daga hannunta tana

addu’a ana amsawa da Amin. “waman

yattikillah yaja’allahu makraja, wa

yarzurku min haisu lah ya tasiri, waman

tawakal alallahi fa huwa hasbun, innallaha baligul amri kadija’Allahu li kulli

shai’in kadira. Amin.

Yayinda kowa ya shafa.

Tace to Alhmdllh, jama’a muna yi muku

barka da zuwa, mungode da hallartat

taronmu da kuka yi don ku taya mu murnar auren ‘yan uwan mu.

Bari na kira muku autarmu dan tazo tayi

mana ‘yar fadakarwa kadan kafin

malaman namu da zasu yi wa’azizzikan

su gama karasowa, tace “zainab zeey

daddy bismillah.” zainab ‘yar shekara takwas ta taso cikin

nutsuwa tana murmushi daya karawa

fuskarta kyau, tana sanye da dan dan

datsetsen yelow les da yake ta walwali,

dambara-damran dutsuna ajiki kamar

madubi, tasa gwagwaro yelow, ta yafa dankwalin les din. Tasa fashion azurfa

mai yalayen dutsuna wuya da kunne, da

zobensu, tasa warwaraye suma yaleye.

Yarinyar tayi kyau sosai, tsarin kwaliyarta

kamar wata babba. Shiga iri daya sukayi

da ni’ima komai da komai. Ni’ima ta mika mata lasfikar suna yiwa

juna murmushi, yayinda masu hotuna

suke basu flasha, masu filet din dvd da

cd suke ta dauka, ni’ima ta koma wajen

zamanta, zainab cikin zakin muryarta

tace “Aslm ‘yan uwa musulmi.” gaba daya kuwa suka amsa mata da “wslm.

“hakika ina taya ‘yan uwana murna da

wannan rana ta aurensu, Allah ya basu

zaman lafiya dauwamamme, yaya sadiya

da aunty mansura, yanzu Allah ya kaiku

wani matsayi da rayuwarku zata canja ba kamar sanda kuna gida ba. 1- abu na

farko da ake so ‘ya mace ta gane ta

fahimceshi shine, hakkin mijinta akanta,

ta gane cewar miji shine shugabanta, ta

rinka jin hakan a ranta.

Saboda Allah ubangiji yace, maza masu tsayuwa ne da shugabanci a kan mata,

kuma maza suna suke da fifiko wajen

girma da daraja akan mata.”

wadanan dalilai su zasu mace ta dinga

jin cewa, namij fa shugabane, kuma ta

dinga jin haka a jikinta, kuma tasan yana da hakki akanta, domin tasan bazata fita

ba saida izninsa, kuma duk inda zata je

saita san ransa bazai baci ba.

Manzon Allah (s.a.w) ya fada a cikin

hadisi ingantacce

[1:17PM, 04/05/2017] ๐Ÿ’ž@lh@ji๐Ÿ’ž: TATTALIN SO 1**5

 

YA fada acikin hadisi ingantacce, saboda girman hakkin miji akan matarsa, “da za’a umurci wani yayi sujjada ga wani, dana umurci mace tayiwa mijinta sujjda. Koda miji zai bukaci amfani da matarsa, ita kuma tana kan sirdin rakumi, to kada ta hanashi.

A wata ruwayar ta bukhari, manzo Allah (s.a.w) yace, “idan mij ya kirawo matarsa zuwa ga shimfidarsa ita kuma taki har ya kwana yana fushi da ita, to mala’iku zasuyi ta tsine mata har sai an wayi gari, bukhari ne ya ruwaito.

Idan mace ta gane hakkin miji akanta, kuma tayi masa da’a akan abinda ba sabon Allah bane, to hakan zai taimaka kwarai wajen gyara zuciyarta.

2- abu na biyu shine amana, anaso mace ta zamo mai amana bata cikin abunda ya shafi dukiyarsa, kuma bata ha’ince shiba akan karan kanta.

Ha’intar miji wajen dukiyarsa daukan wani abunsa batare da iznin sa ba.

Ha’intar miji aka karan kanta kuwa, shine ta bada kanta ga wani namiji. Ko kuma tayi kawance da mijin da banata ba. Du matar kirki bazata yi haka ba.

Toh macen kirki itace wadda bata ha’intar mijinta daga dukiyarsa ko kuma akanta. Salihan mata masu da’a ne ga mazajensu, masu tsare mutuncinsu ne da dukiyoyin mazajensu, basa ha’intar mazajensu alokacin da basa nan.

Manzon Allah (s.a.w) ya fada cewa babu yanda za ayi mace ta dauki wani abu a dakin mijinta ba tare da izninsa ba, to bai halatta ba,

sai sahabbai suka tambayi annabi cewa “ko abinci ne? Sai annabi yace “wannan shine mafi daraja acikin dukiyoyin mu, ba a yarda mace ta dauki abincin mijinta tayi kyauta dashi ba.

 

Kuyi hakuri plz yau bazan samu daman pstn ba, wannan wanda nadan soma rubutawa jiyane, amma gobe insha Allahu zanyi muku 3 times pr day, kuyi hkr

[1:17PM, 04/05/2017] ๐Ÿ’ž@lh@ji๐Ÿ’ž: TATTALIN SO 1**6

 

BA AYARDA mace ta dauki abincin mijinta tayi kyauta dashiba saidai in dafaffe ne in tayi, gudun kada ya lalace, to sai a sadaukar dan gudun kada ya zamo almubazaranci. Shima idan miji ya dawo saiki sanar masa, ko gidanku zaki aika da abinci saiki sanar masa, bare ki bawa wani can daban. Wannan yana cikin cin amanar miji.

Manya mutane suka rinka mikewa suna yiwa zainab kyautar kudi, saboda yanda yarinya karama ta burgesu, Abba da daddy sai washe baki suke yi don jin kokarin ‘yar tasu da kwazonta.

Mamanta kuwa tayi hamdala acikin ranta, tana mai jin dadin baiwar da Allah yayi wa ‘yarta tun tana karama, kowane tebir mutum hudu ne a zagaye dashi, akayi umurni da masu sabis su fara rabon abinci, shinkafa ce fara da taliya itama haka, sai soyayyun kaji da gasashen nama, sai mitfy, samosa, sopringros, haka kowa za a tsira katon filet a dire a gabansa, mata masu wa’azi sun zo, wajen yayi shiru an nutsu ana cin abinci, yayinda aketa kwararo wa’azi akan zaman aure ga ma’aurata.

Washe gari akayi yini, ranar litinin akayi fati, a ranar kuma aka kai amare dakunansu. Burin mansura ya cika, yau ta auri gwarzon namiji cikakke, wato Aliyu.

Tasan sarai Aliyu miskili ne bai fiya

wasa da dariya ba, shi hasalima magana wahala take masa yi masa, don inzaka daka ta tashi sai dai kuyi ta zaman kurame dashi.

Aliyu mutum ne mai tsafta, dan gayu ne mai son kamshi, baya damuwa du tsadan turare zai saya indai kamshin shi yana da dadi. Aliyu yana ji da kansa, akwai iya jan aji, yana da tsananin iyayi da gwalli kamar mace, ya fiya kasaita da son girma kamar wani basarake.

Washe gari ranar talata gajiyar biki bata bar ni’ima da zainab zuwa makaranta ba. Tun asuba da aka tashe su suka yi sallah, suka sake komawa gado suka nade cikin bargo suna bacci. Karfe bakwai masu aikinsu sukayi ta tashinsu don su shiry su tafi makaranta, amma du sunki tashi.

Dole sai rabuwa suka yi dasu.

Karfe goma dai-dai Aliyu ya shigo gidan don gaishe da iyayensa. A farfajiyar gidansu mai gadi da direbobi suna ta risinnawa suna gaisheshi. Aliyu ya cewa malam idi direba, “ina ‘yan makaranta , i ce kodai basu makara bako?

Malam idi yace ai basu fito ba, yau ban kaisu makaranta ba.” a zuciye Aliyu ya shiga gidan, kafa kawai yasa ya daki kofar ta bude garam.

Ni’ima da zainab suka tashi a firgice, suna mitsike ido. Suna dago kai suka ganshi. Kafarshi daya akan gadon, dayar tana kasa, fuskar nan tayi kirtif da ita kamar bai taba dariya ba.

Zumbur suka mike suka diro kasa daga gadon, suka durkusa can nesa dashi, suka kama cewa “yaya ina kwana? Bai amsa musu gaisuwar ba, sai tambaya daya jefo musu cewar “meya hanaku zuwa makaranta? Gaba daya jikinsu ya hau bari suna in’ina da kame-kame abunda zasu ce, ya daka musu tsawa “ku tashi ku saka uniform dinku, ina jiranku a falo.” suka mike da sauri kowacce ta nufi kwaba. Shikuma yayo falonsu yana tsaye. Mintuna kadan suka fito sanye da kayan makaranta da jakunkunansu a rataye, ya sasu a gaba har farfajiyar gidansu, ya kwalawa malam idi direba kira, ya taho jikinsa na rawa. Yace “daga yau du ranar daka kara kin kaisu makaranta abakacin aikinka.”

malam idi ya rikice jikinsa yana bari, yace “kayi hakuri yallabai, wallahi ba laifi na bane sune basu fito ba.” yace “daga yau idan kaga basu fito ba kayi min waya kawai ka gaya min. Yace “to yallbai.” suka shiga motar direban ya jasu. Shikuma Aliyu yayi cikin gida. Zainab tace, “inbanda abun yaya, daga yin aure saika fito da sassafe. “ni’ima tace, “ai gwandake bangarenku ma na ‘yan firamare ne, ni ‘yar sakandare nasan wallahi sai an dake ni, daya kyalemu gobe basa muzo ba.”

gidan Aliyu yana nan daga bayan gidansu ba nisa. Amma tunda aka kai mansura basu je gidan ba, saboda basu da wani lokaci sai dare, sukuma ba fita suka yi da dare ba.

Yau alhamis ana tashi daga boko gida suka yo, dan ba islamiya. Ni’ima da zainab tuni sun gama shiri, anko sukayi na wani dandatsesen material baki, ni’ima tana rike da hannun zainab suka tafi.

Suna zuwa gidan suka shiga, ‘yan aikin gidan sai sannu da zuwa suke yi musu. Suka karasa babban falo inda matar gidan take, sukayi sallama, saida akayi musu izni sannan suka shiga. Mansura ta taresu da murna, a’a sai yau zaku zo, nayi fushi.” suka rike hannunta suna cewa, “tuba muke aunty, kinsan kullum da makaranta.

Tace, “to amma gaskiya yau anan zaku kwana.” suka ce wai kwana aunty? Ai baza a barmu ba a gida.” tace haba don Allah, ya ya zasu hanaku kwana a gidan babban yaya.” yayinda take kwalawa mai aikinta kira talatuwa, “na’am ranki ya dade, ta amsa da saurinta, ta durkusa a gabanta, mansura tace “bakya ga munyi bai ne baki kawo musu komai ba, nifa bana son shashanci, kirinka kula da aikinki fa.”

talatuwa tace kiyi hakuri aunty. Ta fita da sauri ta shiga kicin ta hado musu lemuka da snacks taje ta durkusa a gbansu ta ajiye. Zata mike zainab ta bude jakarta ta dauko dari biyar ta mika mata. Talatuwa tasa hannu biyu ta karba tana godiya. Inna laraba tashigo ta durkusa a gaban mansura tana tambayarta hajiya me za’a girka?

 

Surayya Abubakar

[1:19PM, 04/05/2017] ๐Ÿ’ž@lh@ji๐Ÿ’ž: TATTALIN SO 1**7

 

TA YAMUTSA fuska tana tsara mata abunda zata girka. Harta mike ta fara tafiya zainab tabita tasa mata dari biyar a hannunta, tsohuwa laraba tace, “auta me za a sayo miki? Tace a’a ki rike baki nayi. Laraba ta washe baki tana murna tana godewa zainab.

Yaya Aliyu ya shigo, da sauri zainab da ni’ima suka yi masa sannu da zuwa tare da gaishe shi. Ya wuce bangarensa. Mansura ta kwalawa talatuwa kira, tazo da saurinta. Mansura tace, “ki hadawa Aliyu abinci kikai bangarensa.”

zainab kanta data ke yarinya tayi mamakin abun, bare ni’ima data fara zama budura. Sun san haka bai kamata ba, don ba haka ake yi a gidan su ba.

Wata mata ce da goyon ‘yarta ta fita da hayyacinta kamar almajira, ta durkusa tana gaida mansura. Mansura ta hade rai tana ya musta, da kyar ta amsa gaisuwan matar.

Ni’ima da zainab suka gaishe da matar, zainab tace kwanto yarinyar, bata da lafiya ne? Matar tace “wallahi zazzabi ne da amai da kashi na hakori.” yayinda take kokarin sakkota. Zainab ta mika hannu zata karbeta, mansura tayi karaf tace “ke zeey auta yarinyar ba lafiya kokarin daukarta kike? Saita yo miki amai ajiki.” zeey tace to kije ki sai mata magani ta sha mana.

Matar ta girgiza kai cikin yanayi na tausayawa, tace, “aiba kudin ne, magani har dari tara da hamsin, banida kudin dazan sai mata, kudin yayi yawa, ko dari da hamsin bani da’ita bare har dari tara da hamsin.” zainab ta bude jakarsu ta zaro gudan dubu daya ta mikawa matar, “ungo kije kisai mata maganin.” matar ta karba bakinta yana rawa.

Mansura tace, “ke zeey kudin wa kika samu kiketa rabarwa haka? Zainab tace daddy ne ya bamu da zamu zo ko zamu sai wani abun.

Mansura tace to shine kike rabar da kudi baku sai komai ba.” zainab tace aunty ai muna da komai me zamu saya? Ba gwanda mu bayarba.” matar nan dai tanata sawa zeey albarka harta fice ta tafi.

Ni’ima ta fuzge jakar daga hannun zainab, ta bude ta leke bakomai aciki, ta harareta to kin rabar mana da kudin, to yanzu dame zamu sai ice-cream din? Ni shiyasa wallahi bana so nabar kudin mu a hannunki, du saiki rabarwa da mutane mu ki barmu haka. Nidai kawai kirinka bayar da iya naki, kada ki kuma bayarmin da nawa kudin.”

zainab tayi murmushi, tace “haba yaya ni’ima, abunki ai nawa ne, zan iya iko da komai naki, Allah ya bamu rai da lafiya, muna da kudi a gida, ko an bamu ma tarawa muke yi idan bamuda abun siya. To ga masu bukata saimu hanasu.” ni’ima tace, “to amma ai bakya bayar du ba, ai kinsan zamu sai ice-cream.”

zainab tace bakomai yaya ni’ima, zaki ga Allah ya bamu wasu, don ranan malaminmu yace, “anaso mutum ya rinka ya waita sadaka, saboda tana juyar da bala’i.

A zamanin annabi sulaiman (a.s) akwai wani mutum a gidansa akwai wata katuwar bishiya, tsutsuwa tayi ‘ya’ya akai. Sai wata rana matar ta gaya wa mijinta cewar, ya hau kan bishiyar nan ya debo musu ‘ya’yan wannan tsutsunwar zasu ci suda ‘ya’yansu.

Mutumin nan ya kwaso ‘ya’yan, suka gashe shi, shida matarsa da ‘ya’yansa suka cinye. Sai tsunsuwar nan takai karar wannan mutumin gurin annabi sulaiman (a.s), shikuma yasa aka kirawo mutumin yayi musu tsakani da wannan tsuntsuwar, mutumin yayi alkawari bazai sake ba.

Ana haka sai wata rana matar nan ya kuma gayawa mijinta ya hau bishiya ya kuma debo musu ‘ya’yan tsunsuwa, mutumin yaki, yace “annabi sulaiman ya hana shi ya sake dibar mata ‘ya’ya.” sai matar tace kana ganin annabi sulaiman zaiyi maka wani abu danka kwashe ‘ya’yan tsunsuwa, alhalin shima me shagaltuwane da mulkinsa? Matar dai tai ta rudarsa har ya hau ya debo.

Sai tsuntsuwar nan tasake kai kararsa wajen annabi sulaiman, annabi sulaiman yayi fushi, ya kirawo shaidanu guda biyu, daya daga gabas daya daga yamma. Yace sutafi kan bishiyar nan su zauna, idan mutumin nan ya sake zuwa wajen ‘ya’yan tsunsuwar nan su rike kafafuwansa su watsoshi kasa.

Shaidanu suka je kan bishiya suka zauna. Shikuma mutumin ganin ya debo wa’yancan ba ayi masa komai ba, don haka sa wannan karon ma ya sake komawa domin ya debo ‘ya’yan. Har ya taka kafarsa zai hau, sai yaji almajiri yana bara a kofar gida, saiya umurci matar nan data bawa almajirin nan wani abu. Sai matar nan tace bakomai awajenta.

Sai mutumin nan ya dawo ya samu lomar abinci ya bawa almajirin nan, sannan ya koma bishiya ya debo ‘ya’yan tsuntsuwar nan, saita sake dwowa ta gayawa annabi sulaiman, sai yayi fushi mai tsanani, ya kirawo shadanun guda biyu daya tura kan bishiyar. Sai suka ce bamu saba maka ba, muna kan bishiyar koda yaushe, lokacin da mutumin zai hau kan bishiyar sai wani almajiri yayi bara ya koma ya bashi lomar abinci, sannan ya dawo ya hau. Zamu kama shi kenan sai ubangiji ya aiko da mala’iku guda biyu, daya ya kamani ta wuya ya jefar dani inda rana take bullowa, daya yakama abokina ya jefar dashi inda rana take faduwa.

To kinga dalilin sadakar da yayi ya kubuta daga sharrin shaidanu. Aliyu yana daga dakinshi yana jinsu, ya sake jinjina hankalin autarsu, yasan hakika akwai bawar da Allah yayiwa autarsu na musamman.

Ya fito daga dakinshi.

 

Surayya abubakar

[1:19PM, 04/05/2017] ๐Ÿ’ž@lh@ji๐Ÿ’ž: TATTALIN SO 1**8

YA FITO daga dakinshi, yayi gyaran

murya, ya ciro dubu biyar a Aljihunsa ya

mikawa zainab, yace “zeey auta ga kudin

ice-cream.” ta rissana ta karba tana

godiya. Yaya Aliyu ya wuce ya sake fita. Zainab tace yaya ni’ima kinga abunda

nake fadamiki ba, inka bayar da kadan

sai Allah ya baka mai yawa.” ni’ima tace

nagani, amma bani su nan kada ki sake

bayar mana.” ita kuwa mansura a

zuciyarta cewa takeyi, “wannan yarinyar da shegen iyayi take. Wajen mangariba

suka isa gida. Bangaren hajiya suka nufa

sukayi sallar mangariba, zainab ta mike

tayi bangarensu, saita tarar da mamanta

kwance tana juyi. Ta tafi da sauri ta

rikota, tana cewa menene mamana, meya sameki? Maman tace banida lafiya

zaina, marata da bayana ciwo suke yi.

Nan da nan sai zainab tasa kuka tana

cewa, “mama tashi muje asibiti kinji?

Mama don Allah tashi mu tafi asibiti ko

kya samu lafiya. Maman tace da kyar, saboda ta fara

galabaita “zainab asibiti babu abunda

zasu iya yi min, Allah ne kadai zai bani

lafiya. Ki kirawomin hajiya da umma da

ummi, tayi cikin gida da sauri, du ta gaya

musu gaba daya suka taho, a lokacin Aliyu yana gidan. Maman ta galabaita

sosai, ko hannunta bata dagawa.

Umma tana ta hado kayan haihuwar a

dakin. Umma tana rike da maman, hajiya

tana mata tofi a ruwa a kofi, zainab din

taje ta rike maman tana jijjigata tana kuka, tana cewa mama! Mama!! Ki bude

idonki kiga hajiyan fa na kirawo miki ita.

Ki bude idonki kifa tofi take miki, don

Allah mama ki bude idonki kiga umma da

ummi., kefa kika ce nakira miki su, don

Allah ki tashi.” ta kama jijjigata tana gwale mata ido, tana cewa mama!

Mama!!. Aliyu yace “umma ku kamata mu

tafi asibiti.”

a lokacin Aliyu yaiwa abba da daddy

waya, suka ce to suma sun wuce

asibitin.” a can suka tarar dasu Abban har sun riga zuwa, aka shigar da mama dakin

haihuwa, zainab sai kuka take yi, ta tafi

ta rungume daddynta tana kuka tana

cewa daddy kana ganin mama bata da

lafiya sun shigar da ita can, daddy kazo

mu bita. Ya rungumota yana rarrashinta, “kiyi

hakuri zainab, ki kwantar da hankalinki,

mamanki haihuwa zatayi. Ko bakya so

tasamar miki kanwa? Tace ina somana

daddy.” to kiy shiru ki daina kuka,

mamanki haihuwa zatayi kinji ko? Kita yi mata addu’a kinji? Tace “to daddy

zanyi mata. Abba yace, hajiya su koma

da zainab gida a ar umma da ummi a

gurinta.

Abba ya taho da hajiya da zainab gida,

zainab sai kuka take yi, suna zuwa gida suna ni’ima da sadik su ni’ima suka tare

su da cewa ta haihu? Hajiya tace musu

a’a ta dai kusa. Du rarrashin da hajiya

take yiwa zainab ta kasa yin shiru, sai

kuka take yi.

Su kuwa can asibiti sun kasa samun nutsuwa, saboda jikin mama da yayi

tsanani. Wajen karfe uku na dare ta haifi

‘yarta mace, su umma da ummi suka ta

hamdala suna yiwa Allah godiya.

Karfe bakwai na safe gaba daya ‘yan

gidan sun hallara, ganin yanda jini ya tsinkewa mama, hankalin kowa ya tashi.

Daddy mijinta yana rike da ita yana

salati, yayinda likitoci suketa iya bakin

kokarinsu. Sunyi mata allura jinin ya

tsaya, du ‘yan uwa sun zagaye ta, harda

sadiya amarya da mansura, su sadik da ni’ima du suna wajen. Zainab kuwa

hajiya ta janye ta suna falon dakin da

aka kwantar da maman nata. Saboda

kuka da zainab din take yi.

Ita kuma mama jikin nata yayi tsanani,

sai wasiya take bayarwa, sai cewa take cikin dakushashshiyar murya, “ina zainab

autata, ki kirawo min zainab dina.

Sadik ya fita da gudu yana kuka ya kira

zainab, ta taho da gudu ta rike hannun

maman nata ta jijjigawa, tana cewa “gani

mama, tashi gaya min abunda zaki gaya min, kinji mamana?

Ta kwantar da kanta akan ruwan cikin

maman nata tana kuka, maman data ke

fitar da nishi da kyar ta dora hannunta

kan zainab din tana shafawa, a hankali ta

rinka motsa bakinta tana karanto kalmar shahada ‘yan uwa sunata amsa mata,

tana ta shakewa. Su sadiya da ni’ima

kuwa gaba daya sun rikice da kuka.

Can mama tayi shiru, hamza cikin firgita

yace, “ta mutu! Iyayen suka dauki salati

ga daya da hawaye, yayinda yaran suka cika daki gaba daya da kururuwar kuka.

Zainab kuwa tana yin baya ba’a ankara

ba ta sulale ta fadi kasa ba numfashi.

Aliyu ya sunkuce ta aguje ya shiga office

din likitan da ita. Likitan ya karbe ta da

sauri ya dorata kan gado yana kokarin ceto rayuwrta. Aka tafi da mama gida

akayi mata sutura aka binneta, kowa yaji

ciwon mutuwar mama. Mama mutuniyar

kirki me kawaici da hakuri, daddyn zainab

karfin hali kawai yake yi, domin yasan

yayi rashin da da wuya ya mayar da’ita. Don rashin hajiya saude ba karamin gibi

rayuwarsa tayi ba.

Anata amsar gaisuwa shikuwa sai yayi

jigudin yana tunani, ga ‘ya’yanshi ‘yan

mazan faruk da sadik suna manne da

jikinsa, yaran sun kasa manta mutuwar, sai dai kawai kada suna sharar hawaye.

Faruk shine sa’a ni’ima mai shekara goma

sha hudu, sadik kuma shekararsa sha

daya. Kwana daya da rasuwar mama aka

sallamo zainab suka taho, da yake ummi

ce a wajenta. Yarinyar tayi wata irin rama sai kace wacce ta dade da ciwo.

About the author

Hausa_Novels

1 Comment

Leave a Comment