Littafan Hausa Novels

Gidan Abdallah Hausa Novel Complete

Sirrin Doguwar Mace
Written by Hausa_Novels

Gidan Abdallah Hausa Novel Complete

 

 

 

 

 

 

 

*GIDAN ABDALLAH*

 

*BY*

*MOMMYN MUSADDIQ*

 

*ADABI WRITERS ASSOCIATED*

 

*FREE PAGE*

 

*PAGE 1*

 

“Abban Na’emm dan Allah ka

tsaya ka saurare ni.” Ta fad’a tana

k’arasowa gaban sa da sauri.

Tsayawa yayi ya kura mata idanu

yana kallon katon cikin ta da yake

haihuwa yau ko gobe.

“Wai menene matsalar ki Jiddah?

Tun d’azu kin dameni ban san me

kike so ba, dan Allah ki barni na

huta.” Ya fad’a yana sake Jan jikin

sa yana son fita.

“Kasan dai bamu da abin da za mu

ci a cikin gidan nan, abin cin mu

duk ya k’are ga shi yanzu Yara sun

kusan dawowa daga makaranta

suna dawowa zasu nemi abin ci.”

Cak ya tsaya kafin ya juyo ya kalle

ta sannan yace

“Amman Jiddah yaushe aka kawo

kayan abin ci gidan nan? Kina

nufin ba abin cin da zaku ci a

store?”

“Babu komai.” Ta fad’a a sanyaye.

Shiru ya d’anyi kafin yace

“Ni dai Kinga yanzu ina da wajen

zuwa akwai alk’awarin da nayi

zamu had’u, Amman ga wannan

Ya fad’a yana ciro 200

a aljihun sa yana mik’a mata.

Kallon kud’in kawai take ba tare

da ta saka hannu ta karb’a ba, sai

hawaye da suka cika Mata idanu

jikin ta na rawa, dan ita kanta

Jiddah rabon ta da abin ci tun

na daren jiya, yau da safe Basu

da abinda zasu dafa suka tashi

sai guntun abin cin jiya shine ta

dumama ta baiwa Yara suka ci

sannan suka tafi makaranta…katse

mata tunani yayi da cewa

“Idan bazaki karb’a ba ni zan tafi

kina b’ata mun lokaci.”

Hannu tasa ta karb’i kud’in idanun

ta cike da hawaye tace

“Amman Abban Na’eem 200 ba zai

ishemu ba ka sani, yara biyar ga

Gwaggo ga me gadi ga ni kuma, don Allah ka

k’ara mana.”

Tsaki yajaa tare da barin wajen ba

tare da ya tsaya amsa mata ba.

Babban tsakar gidan sa ya fito

Wanda yake d’auke da b’angarori

da dama, wani b’angare ya shiga

bakin sa d’auke da sallama.

Wata dattijuwar Mace ce ta amsa

masa tare da cewa

“Abdallahn Gwaggon sa sai yanzu

ka fito?” Ta fad’a tana karewa d’an

nata kallo cike da tsantsar so.

Zama yayi a gefen ta kafin yace

“Wllh Gwaggona sai yanzu na

samu fitowa, da fatan kin tashi

lafiya?”

“Lafiya k’alau na tashi Abdallah

sai dai tun d’azu yunwa yake

kwakulata tamkar na ci babu, yau

Jiddah batayi girki ba ne?”

Ba tare da ya bata amsar tambayar

da ta mishi ba ya ce

“Ina kayan shayin da na siya Miki

Gwaggo? kika zauna da yunwa har

wannan lokacin?”

YNYN Hausa Novel Complete

Wani kallo ta mishi tace

“Kaji mun wani banzan zance a

wajen yaron nan, Allah na tuba

shayi kuma me zai mun, tun safe

Nasha amman bai rik’e mun komai

ba, kaga tashi kaje ka amso mun

abin kari a wajen Jiddah.”

“Kinga Gwaggo yau fa batayi girki

ba Wai kayan abin ci ya kare,

Amman na bata kud’i ta siya muku

ga ri kafin na dawo.”ya fad’a ya na

k’ok’arin mik’ewa.

Da sauri Gwaggo ta rik’o

tsadadden shaddar sa ta dawo

dashi baya ya zauna tare da cewa

“Abdallah baka da hankali ne?

Ga ri fa kace? Nice zan ci gari Ina

uwar ka Abdallah.” Gwaggo ta

fad’a tana fashewa da kuka.

Rik’o hannayen ta Abdallah yayi

ya ce “Haba Gwaggo na menene na

kuka a nan don Allah? Kiyi hakuri

ki fad’i abin da kikeso yanzu a siya

Miki.”

Kallon sa Gwaggo tayi murmushi

d’auke a fuskan ta kamar ba itace me kuka ba ta ce

“Yauwa d’an albarka gashashen

kaza nakeso me zafi da zan ci na

k’oshi.”

“Yanzu zan baiwa Yahuza ya siyo

Miki.”

“Yauwa Allah yayi maka albarka,

sai Abu na biyu, Wai sai yaushe

wannan figaggiyar Sameeran zata

dawo ne? Ta tafi yau kusan sati

biyu amman shiru ba labarin

dawowar ta.”

“Gobe idan Allah ya yarda zata

dawo Gwaggo.”

Tab’e baki Gwaggo tayi tace

“Ni fa ban san amfanin auren ta

da kayi ba Abdallah, yau shekara

da aure Amman yariya shiru ba

ciki bare haihuwa,ni Kam gaskiya

na gaji da ganin ta haka.” Ta fad’a

tana rafka Uban tagumi.

Murmushi Abdallah yayi yace

“Gwaggo na kwantar da hankalin

ki cire wannan tagumin me kikeso

ayi?” Ya fad’a yana gyara zaman sa.

“Ka fi kowa sanin buri na

Abdallah, saboda haka inason kaje

ka sake auro wata matar, ko ‘yar

gidan Uban waye nasan zaka iya

auro ta bazata gagareka ba tunda

Allah ya hure maka arziki.”

Abdallah da fuskan sa ta cika da

murmushi ya ce

“Yanzu haka akwai yariyar da

nake so na aura Gwaggo sai dai

banje musu da maganar aure ba

da yake suna shirye-shirye bikin

yayar ta nan da sati uku idan

akayi na yayar ta ta sai Nima naje

neman na ta auren.” Ya fad’a yana kallon Gwaggo da ta nutsu tana

sauraren sa.

 

Da sauri Gwaggo tace

“Toh Kai me zaka jira Abdallah?

ai sauri zamuyi kawai a had’a da

na yayar ta ta duk mu huta, yanzu

zan kira Dahiru ayi maza suje

neman auren kawai mu huta.” Ta

fad’a tana sake gyara zama.

Abdallah da farin ciki ya lullub’e

shi lokaci guda ya ce

“Toh Gwaggo Amman kafin ki

fad’awa su kawu Dahirun ki

bari naje muyi magana da ita

Fateemah, idan muka gama

tattauna komai Shikenan sai su

shiga da maganar”

“Toh Shikenan Allah ya taimaka ya

bada sa’a.”

“Amin Gwaggo Bari na wuce sai na

dawo.”

“Toh a dawo lafiya, karka mance

da kazar tawa ina jira.”

“Yanzu za’a kawo in sha Allah.” Ya

fad’a ya na fita daga d’akin.

Wajen adana motoci ya nufa

inda manyan motoci gudu uku

suke a jere, wata farar mota Mai

kyau ya shiga, da sauri Mai gadi ya

nufi k’ofar da sauri yaje ya bud’e

mishi.

Tsayawa yayi a bakin gate d’in tare da lek’o kanshi yace “Yahuza gashi dan Allah ka siyowa

Gwaggo gashashen kaza me kyau a bakin layi.” Ya fad’a ya na mik’a mishi kud’i, da sauri ya karb’a tare

da amsawa.

Figar motar Abdallah yayi da gudu yahau babban titi Wanda tafiyar mintuna goma ta kawo shi k’ofar gidan su Fateemah.

Wayar sa ya d’auka ya kira number ta, ba tare da ya dad’e Ya na ringing ba ta d’auka tare da yin sallama cikin zazzakar muryar ta.

Amsawa yavyi kafin ya sanar da ita yana k’ofar gida, amsa mishi tayi da gata nan zuwa sannan ta katse kiran.

Ba’a d’auki lokaci me tsayi ba ta fito cikin k’ananun kaya da sukayi matukar mata kyau, gashi kuma ya fito da surar jikin ta baki d’aya.

Sallama ta mishi tana wani

kararraya tana juya idanu ga shi ko d’an mayafi bata saka ba,

Abdallah da tun fitowar ta ya

kura mata idanu yana kallon irin halittar da Allah yayi mata, ajiyar

zuci ya sauke kafin yace “Barka da fitowa Sarauniya ta.” Ya fad’a ya na Bud’e mata mota.

Shiga tayi ta zauna kafin tace

“Ka kusan sab’a alk’awari Abdallah

abinda baka tab’a mun ba.” Ta

fad’a tana kallon sa.

Gyara zaman sa Abdallah yayi yana fuskan tar ta da kyau ya ce “Sorry Baby na tsaya wata muhimmiyar magana ne da Gwaggo shiyasa kikaji shiru,Amman Ina neman afuwan ki.”ya yi maganar ya na had’a hannayen sa waje d’aya alamun

neman afuwa.

Murmushi ta sakar masa tare da

juya idanun ta ta ce “Toh baka da matsala yarima na,

Ina fatan kana lafiya.” “Lafiya k’alau Fateemah,da fatan kema kina lafiya gimbiya ta.” “Lafiya K’alau nake, sai gajiyar zirga-zirga da muke ta fama.” “Toh hakan kuwa yayi kyau sosai, Daman magana nazo muyi magana mai muhimmanci

Fateemah, ina son a had’a auren

mu da na Aunty Aysha.”

Da sauri Fateemah ta d’aga Kai ta kalle shi tare da ce wa

“Me kake cewa ne Abdallah? auren

Aunty Aysha fa Nan da 3 weeks ne, ya za’ayi a had’a da na wa?”

Murmushi Abdallah yayi yace “Haba Fateemah ya kina magana kamar ba wayayyar yariya ba,

menene Dan nan da 3 weeks

ne? Naga dai idan da kud’i babu abinda bazaiyu ba, toh inaso Nima ayi namu a wannan lokacin ko nawa zan iya kashewa Dan na

mallakeki Fateemah.” Ya fad’a Ya

na sake kallon ta ganin tayi shiru

tana sauraran sa.

Numfashi ta sauke kafin ta ce

“Ok idan dai har zaka iya Abdallah ba wata matsala, Amman ka sani zaka kashe kud’i da yawa dan kaga shirin gaggawa ne zai buk’aci

kud’i.”

Murmushi Abdallah yayi ya ce

“baki da matsala indai ta wannan

b’angaren ne Fateemah, nidai buri na naga na mallakeki a matsayin matar aure na, inaso yanxu idan kin shiga gida ki sanar da su Mama zan turo da magaba ta na.”

“In sha Allah zan sanar dasu.”

Sun dad’e sosai suna hira kafin

sukayi sallama Abdallah ya tafi bayan ya bata kud’ad’e masu yawa.

A hankali Jiddah take d’aga kafafun ta dan wani irin nauyi taji sunyi mata, a hankali take takawa har ta K’arasa part d’in Gwaggo, da sallama ta shiga cikin falon na ta,

Gwaggo da take cin kaza tana jin muryan Jiddah tayi saurin turawa k’asa kujera tare da cewa “Wanene da uban ranar nan

haka?” Ta fad’a tana goge hannun ta a jikin zanin ta.

D’aga labulen Jiddah tayi tace “Nice Gwaggo.” Shigowa tayi ta

samu kasan kafet ta zauna kafin ta

gaishe ta.

Amsawa Gwaggo tayi tana Kare

mata kallo ta ce

“Sannu Hauwa’u da alama

cikin nan yana wahalar da ke.”

Murmushin k’arfin hali Jiddah tayi

tace

“Gwaggo daman ga ri ne da Ya

Abdallah ya bada kud’i ya ce aa siya na kawo miki Kar yunwa ya dameki.” Ta fad’a tana ajiye filas d’in, Tab’e baki Gwaggo tayi tace “Aa Jiddah d’auki ki tafi da abar nan ni ba iya ci zanyi ba, zan daure har zuwa lokacin da za’a

dafa abin cin sai na ci.”

Kallon Gwaggo Jiddah tayi tace “Haba Gwaggo ya zaki zauna da yunwa da kinyi hakuri ko ya ya ne kin ci kafin Ya Abdallah ya dawo.”

“Ke karki takura mun bazan ci ba, ke da naga yunwa a idanun ki ki

d’auka ki ci na bar miki Amman

Nikam ko kallon sa bazanyi ba, maza d’auki ki fitar da shi aiki

zanyi.”

Mikewa Jiddah tayi sannan ta d’auke filas d’in ta fito daga d’akin

Gwaggo ta nufi nata d’akin.

Zama tayi akan kujera tana sauke numfashi, tabbas zaman gidan

Abdallah baya mata dad’i ko kad’an toh Amman ya ta iya tunda

Allah yasa shine mijin ta uban ‘ya’yan ta, idan bata zauna don soyayyar da take mishi ba zata zauna kodan ‘ya’yan ta.

Ta dad’e zaune a haka kafin ta

bud’e filas d’in ga rin ta soma ci.

Sai da ta gama tas sannan ta mik’e ta nufi kicin ta had’a na yaran taWanda yanzu daf suke da dawowa daga makaranta.

***********

“Ni fa gaskiya Ummah Ya Abdallah nake so, shi nakeso na aura wllh bayan shi bazan auri ko wanne namiji ba.” Cewar Meenah wacce suke zaune da mahaifiyar ta a d’aki.

Kallon ta Ummah tayi tace “Wai Meenah me Kika gani a jikin

Abdallah ne da Kika na ce masa,

kinsan fa shi ko kallon kirki baya

miki.”

“Tabbas Ummah naga abubuwa da yawa a jikin Abdallah, ga kud’i ga kyau ga wadataccen muhalli, na ci me kyau nasha Mai kyau na saka suturar da naga dama, Ummah nifa wllh Abdallah yayi mun

100%.”

Murmushi Ummah tayi ta ce “Toh ke yanzu Meenah ya zakiyi ki same shi? Kinsan fa shegen girman kan Abdallah mutumin da idan ya shigo gidan nan gaishe da mahaifin ki ko kallon ki baya yi.”

Ta fad’a tana kallon Meenah da ta

kura mata idanu.

“Haba Ummah na dan Allah Ina da

ke a duniyar nan zan nemi wani

abu na rasa ne? Na sani Ummah ke

d’in uwa ta ce idan nace Miki ina

son abu nasan ko ta halin k’ak’a sai

kin nema mun abin.”

Dariya Ummah tayi tace “Haka ne Meenah, ni Kai na ina son ki shiga “GIDAN ABDALLAH*

ko dan ki cika mun buri na.”

Kallon Ummah Meenah tayi ta ce “kema kina da wani buri game da

Abdallah ne Ummah?.”

Murmushi kawai Ummah tayi ta

ce “tabbas Ina da buri ka da dama

amman bazan fad’a Miki yanzu ba har sai bayan auren ku, zan cika

Miki burin ki na shiga GIDAN

ABDALLAH ko da kuwa zanyi yawo tsirara ne Meenah.”

Wani mugun ihu Meenah ta saka tare da rungumo Ummah ta ce “Nagode sosai Ummah na, shiyasa

nake son ki sosai.” Ta fad’a tana

kissing nata a goshi.

Dariya Ummah ma tayi ta ce “Ke kadai ce’ya ta kaf duniyar Nan saboda haka dole nayi Miki duk

abin da kike so.”

Wani mugun ihu Meenah ta saka tare da rungumo Ummah ta ce “Nagode sosai Ummah na, shiyasa

nake son ki sosai.” Ta fad’a tana

kissing nata a goshi.

Dariya Ummah ma tayi ta ce “Ke kadai ce ‘ya ta kaf duniyar Nan saboda haka dole nayi Miki duk abin da kike so.”

**********

“Amman kina ganin babu wata matsala Mama, kin gadai auren

Aunty Aysha sati uku ne kawai ya rage.

Murmushi Mama tayi tace

“Babu wata matsala Teemah ke dai

kawai ki fara shirye-shirye kamar yanda yayar ki take yi, in sha Allah

auren ku tare za’a d’aura, tun dai

har ya ce zai iya ai Shikenan.” Ta fad’a tana mik’ewa Jin sallaman

Mai gidan ta.

Amsa mishi tayi sannan ya k’araso cikin falon, Zama yayi daga d’aya cikin manya-manyan kujerun falon, Mama ma zama tayi kafin ta

mishi sannu da zuwa.

Amsawa ya yi yana kallon

Fateemah da itama sannu da

zuwan take mishi, bai amsa ba sai

cewa ya yi “Wai ke Fateemah ban hanaki saka

wad’an Nan banzan kayan ba?

Meyasa bakya jin magana ta ne?

Kusan kullum sai na fad’a miki

Amman duk ta bayan kunnen ki yake wucewa ko?” Ya fad’a a d’an

tsawace.

Turo baki Fateemah tayi tare da mik’ewa tabar falon tana bubbuga k’afafu.

Kallon Mama yayi ya ce “duk ke

Kika sangarta yariyar nan Naja sam bakya mata fad’a akan duk

wani abu da take aikatawa.”

Murmushi Mama kawai tayi tace “Alhaji da zakayi shiru ka saurareni yafi wannan surutun da kake yi, yanzu fa Fateemah ta girma ba k’aramar yariya ba ce, tana da yan cin yin duk wani abu da take so, sannan ni yanzu ba wannan ba, Abdallah da yake neman auren Fateemah ne ya ce

zai turo a had’a auren su da na

Aysha.”

Kallon Mama Alhaji Idris ya yi da

sauri tare da furta “Alhamduiilan

Allah na gode maka, Naji dadin labarin nan sosai Naja, domin wllh kullum abin da yake damuna kenan wannan yariyar, kullum

Addu’ar da nake shine Allah ya fito mata da miji na gari Wanda zai iya

da halin ta.”

Tab’e baki Mama tayi ta ce “Ko ma dai menene yanzu sai ka fara shiri har da Fateemah, ka tura itama ayi Mata order kayan gado tunda an riga da anyi na

Aysha,Kuma Alhaji kasan gida da kishiyoyi har biyu inason kayiwa

Fateemah abinda ba kayiwa Aysha ba saboda kishiyoyin ta Kar su

samu abin goranta mata su rai na

ta.”

Murmushi irin na manya Alhaji yayi ya ce “Naja kenan! Bazan matsantawa

Kai na a banza akan wani banzan

tunanin ku irin na mata ba, abin da yake arzik’ina shi zanyi mata bayan haka bazan kara da komai ba.” Yana gama fad’an haka ya mik’e yabar falon.

 

*********

Daddare da misalin k’arfe tara

Abdallah ya dawo gida, direct wajen Gwaggo ya wuce sai da suka tattauna sosai dangane da maganar auren sa, dan har sai da Gwaggo ta Kira Kawu

Dahiru ta sanar dashi akan gobe zasuje nemawa Abdallah aure, sai kusan goma da rabi ya shiga d’akin Jiddah bayan sun gama tattaunawa da Gwaggo.

Yaran gabaki d’ayan su sunyi barci suna d’akin su, ita kad’ai ce zaune

a falo tana kallo, sai dai a zahiri ne

zakaga kamar kallon take, Amman

a bad’ini tunani take sosai Wanda

tayi zurfi a cikin sa.

Sam bataji sallaman Abdallah ba

sai Jin hannun sa tayi a kafad’ar ta

ya na ce wa

“Jiddah lafiyan ki kuwa?”

Ajiyar zuci ta sauke kafin ta d’aga

Kai ta kallesa ta ce

“Sannu da zuwa Abban Na’eem.”

Zama yayi tare da cewa “Yauwa ya kike?”

“Lafiya k’alau.” Ta fad’a tana kallon

sa kafin tace

“Na kawo maka abin ci?” Ta

tambaye sa dan tasan dakyar

Abdallah ya ci abin cin da suka girka.

“Aa ki barshi a koshe nake.”

Shiru Jiddah tayi domin daman tasan amsar da zai bata kenan, shiru ne ya biyo baya babu me magana a cikin su, sun d’auki

kusan mintuna 30 kafin Abdallah

ya d’auki hular sa ya Soma k’ok’arin mik’ewa, kallon sa Jiddah tayi tace “Abban Na’eem ina son magana da

Kai.”

Juyowa yayi ya kalleta tare da

cewa

“Wai ke Jiddah wacce irin mace ce? Tun d’azu ina zaune bakiyi

maganar ba sai da kikaga zan tashi sannan zakizo mun da wata

maganar banza.”

Cikin sanyin murya Jiddah tace “Kayi hakuri bana son na takura maka kana hutawa ne shiyasa banyi maka magana ba.”

Tsaki yajaa kafin ya ce “Fad’i inajin ki menene?”

Shiru ta d’anyi tana shakkan fad’a mishi abin da ke ran ta, dan bata

San yanda zai d’auki maganar ba, daure wa tayi ta ce

“Daman Abban Na’eem inason

Kaltum tazo ta zauna mun a gidan nan kafin Allah ya sauke ni lafiya, abubuwa sun mun yawa gashi nima kuma bana jin dad’in jiki na, ga kuma kula da yara da ai yukan cikin gida, shine nace Bari na fad’a

maka tazo tana taimaka mun.” Ta

fad’a tana kallon shi gaban ta ya na bugawa ganin irin kallon da yake

mata!.

 

*GIDAN ABDALLAH DAGA JIN SUNAN BA SAI NA FAD’A MUKU BA AKWAI RIKICI, CHAKWAKIYA, KISHI, KISSA, TARE DA DARUSA DA DAMA NA ZAMANTAKEWA TSAKANIN KISHIYOYI TARE DA UWAR MIJI IRIN GWAGGO, DAMA MIJI IRIN ABDALLAH, DA MACE ME HAKURI IRIN JIDDAH, DA MAKIRAR MACE IRIN MEENAH,DA MUGUWAR KISHIYA IRIN SAMEENAH KAI KUDE KU BIYA 500 KACAL TA WANNAN ACC DIN 3144651347 KHADIJA IBRAHIM SUNUSI FIRST BANK, SAI KI TURO MUN SHEDAN BIYA TA LAYIN NAN 08146196391 DOMIN JIN IRIN RIKICIN DA BADAK’ALAR DA KE CIKIN GIDAN ABDALLAH.*

 

*MOMMYN MUSADDIQ*

[ *GIDAN ABDALLAH*

 

*BY*

*MOMMYN MUSADDIQ*✍️

 

*ADABI WRITERS ASSOCIATED*

 

*MASU BUK’ATAR A TALLATA MUSU HAJARSU SU K’OFA A BUD’E TAKE KUMUN MGN TA WANNAN NUMBER 08446196391*

 

*FREE PAGE*

 

*PAGE 2*

 

“Amman da alama baki da hankali

Jiddah! haka kawai ki kawo mun wata cikin gida ta zauna saboda wata maganar ki da bata da hujja, toh Bari kiji bazan iya ba wllh, yanzu ba da bane kayan abin ci sunyi tsada bazan kawo wata k’atuwa ta karamun nauyi akan Wanda nake fama ba, idan dai dan aiyukan gida ne gobe Sameenah zata dawo

Kinga ai zaki huta, maganar yara kuwa yaran nawa ne? Ba Yara biyar ba, idan har bazaki iya kula

da su ba toh ki zauna Amman ban

amince da wata k’atuwa tazo ta

zauna mun a gida ba.” Yana gama fad’an haka ya shige d’aki yabar

Jiddah zaune tana hawaye.

Zama tayi a falon tasha kuka sosai kafin ta mik’e a hankali ta shiga d’aki, a kan gado ta samu Abdallah kwance yana waya da Fateemah, ganin Jiddah bai sashi yanke wayar ba sai ma dariya da yayi ya

ce

“Haba amarya ta karki damu da koma nawa ne ni Abdallah nayi

miki alk’awari kashe miki ko nawa

ne a shagalin bikin nan, sannan maganar anko kuwa gobe idan

Allah ya kaimu zan zo na d’auke ki muje shago ki zabi duk Wanda kikeso ki d’aukawa k’awayen ki, sannan ki Soma zab’an kayan lefen ki.” Shiru yayi alamun yana sauraren maganar ta, dariya yayi

ya ce “Karki damu Baby gobe zanzo mu k’arasa maganar, sai da safe.”

Ya fad’a yana katse wayar, kallon

Jiddah yayi wacce take tsaye a gefe

yace

“Wai ke Jiddah anya ba aljanu

bane da ke?

Shikenan ni a rayuwa na bazan huta ba, idan dai ina gida toh gabaki d’aya hankalin ki yana Kai na kina takura mun, nifa bazanbyarda da wannan iskancin ba.” Ya fad’a yana huce kamar zai d’auke ta da mari.

Share idanun ta Jiddah tayi tace

“Amman Abban Na’eem abinda

kayi ka kyauta kenan? A d’aki na a gado na kana kwance kana waya da wata, zan iya juran komai a wajen ka amman Banda cin fuska, haba dan Allah yanzu Kai idan akayi maka haka zakaji Dad’i?”

Abdallah da ya kura mata idanu yana kallon ta ya ce “Ke Jiddah ni kike fad’awa haka?

Nan gida na ne babu Uban Wanda ya bani ko sisi a lokacin da nake gina shi, har kina da iko mun magana dan Kinga Ina waya da wata, ok dan na kwanta a wannan banzan katak’on wanda ya gama mutuwa shine zaki nemi yimun rashin kunya ko?

To Bari kiji daga yau ni Abdallah

bazan sake kwana a wannan

banzan d’akin ba!” Yana gama fad’an haka ya d’auki kayan shi ya fita daga d’akin.

Zubewa a bakin gado Jiddah tayi ta fashe da kuka me tsuma zuciya, bata San me yake damun Abdallah ba amman abubuwan da yake mata sun soma yawa, da farko ta d’auka wani laifi ta mishi haka zataje ta durkusa ta nemi yafiyar sa akan su dawo daidai tamkar yanda suke da, Amman yanzu ta gama fahimtar Abdallah ya gaji da ita ne kawai, ya gaji da ganin ta a cikin gidan shi shiyasa yake azabtar da ita ta ko wanne b’angare.

Washe gari

Kawu Dahiru ne ya fito daga d’akin sa cikin manyan kaya shadda me matsakaicin kud’i, hular hannun sa ya saka a kanshi

tare da kwallawa matar sa kira

“Habiba!”

Da sauri Ummah ta fito daga

d’akin tana me amsa kiran da

mijin nata yayi mata.

Kallon sa tayi tace “Aa Malam fita zakayi ne?” Ta tambaye sa ganin yayi shirin fita

tsaf.

Gyara babban rigar sa yayi kafin

ya amsa mata da

“Eh wllh Habiba zamuje nemawa

Abdallah aure ne tare da su Malam

Ladan yanzu haka suna k’ofar gida suna jira na.”

Ummah da zuciyar ta ya buga da sauri ta dafe kirjinta tare da cewa “Ina shiga uku ni Habiba, Malam

bakasan cewa Ameenah tana son

Abdallah bane zakaje nema masa

auren wata?”

“Kamar ya bangane Ameenah tana

Son sa ba?

Dan ita tana son sa shi yace yana

son ta ne? Ni maganar da mukayi da su wata ‘ya daban yake so Kuma yanzu haka neman auren zamu

tafi karku kawo mun wani shiriri

ta a naku.” Yana fad’an haka ya fice yabar gidan.

Meenah da take lab’e a jikin labule

tana sauraron su ta fito da sauri

tare da cewa

“Na shiga uku Ummah Ya

Abdallah aure zai kara? Wlh

Ummah shi nakeso ki fad’awa

Abba ya dawo karsu je neman auren nan, idan har suka aura

mishi wata wllh kashe Kaina

zanyi.” Ta fad’a tana fashewa da

kuka.

Rungumota Ummah tayi tace “Haba Ameenah menene na tayar

da hankali?

idan ma yanzu sukaje aka d’aurawa Abdallah auren mata

uku ne fa, toh ni Kuma Ina Miki

albishir din kece ta hud’u kuma

Nan da wasu kwanaki kema

za’a d’aura Miki aure dashi,

ke dai kawai ki zuba idanu ki

ganni,amman bazan tab’a barin ki zubar da hawaye akan Abdallah

ba.”

“Toh Ummah dan Allah ki taimaka

mun, inason sa nasan Abba bazai tab’a goya mun baya ba har sai dai Ya Abdallah ne yazo da Kan sa

neman aure na.”

Murmushi Ummah tayi tace

“Ai kuwa Abdallah da kanshi zaizo

neman auren ki Meenah ta.”

Sosai Meenah ta shiga murna jin alk’awarin da Umman ta tayi mata Wanda tasan idan dai

ummah ce to tabbas sai ta cika

wannan alk’awarin indai har tana

numfashi a doron k’asa!.

Su Kawu Dahiru direct gidan

Abdallah suka nufa b’angaren

Gwaggo, gaisawa sukayi kafin

Gwaggo tayi musu bayani sosai game da yanda sukeson auren ya

kasance. sannan ta Kira Abdallah ta waya tace ya kawo sadaki a

had’a duka a Kai musu.

Da yake Abdallah baya rabuwa

da kud’i a d’akin sa dubu dari

biyar ya d’auko ya baiwa su Kawu

Dahiru Sannan ya Basu kudin da zasu siye goro da minti, duk su

Kawu Dahiru kuwa mamaki ne

ya kamasu ganin irin kud’in da

Abdallah ya basu na neman auren da zasuje masa.

Abdallah da kanshi ya d’auki su

Kawu a mota ya kaisu suka siye su goro sannan ya wuce dasu gidan

Alhaji Idris me kaji.

Kasancewar ansan da zuwan su

tarba na musamman akayi musu sannan suka gabatar da abinda sukazo nema, ba tare da b’ata

lokaci ba Alhaji Idris ya Amince

tare da karban sadakin su.

Koda su Kawu suka fito bayan sun kammala abinda sukazo yi babu

Abdallah Babu motar sa Kiran

sa sukayi a waya Amman sai ya tabbatar musu ai ya dawo gida tun

d’azu.

 

Napep su kawu suka hau suka koma gida suka sanar da Gwaggo duk yanda sukayi, sosai Gwaggo tayi murna jin Uban yariyar ma me kud’i ne, hakan ba k’aramin dad’i yayi mata ba, domin ita sam a rayuwar ta batason Abdallah ya shiga gidan matsiya ta, ko auren

Jiddah da yayi kawai dan ya nace

ne Amman ita Sam bataso haka

ba, sai Sameenah wacce itama ‘yar wani hamshakin me kud’i a garin

kaduna.

Misalin k’arfe sha biyu na rana

Sameenah ta shigo gidan ta, me gadi yana biye da ita da tulin kayan ta da tazo dashi.

Ak’ofar ta ya ajiye tare da sake juyawa domin d’auko wasu kayan da suke bakin gate.

Sanye take cikin doguwar rigar abaya wacce ta haska farar fatar ta duk da kana ganin ta kasan cewa ba farin Allah bane, kyakkyawa ce ba laifi tana da dogon hanci da idanu, a hankali take tauna cingam tana karewa gidan nata kallo, tsit gidan yake da alama Yara

duk suna makaranta, Jiddah Kuma

tana d’aki ko barci take ohoo.

Mukulli ta saka ta bud’e k’ofar

falon ta tare da d’aukan akwatin

ta ta shiga dashi, falon yayi kura sosai ko Ina busu-busu yake da kura, tsaki tajaa tana ajiye akwatin ta a gefe guda.

Fitowa tayi ganin Yahuza ya shigo

Mata da sauran kayan nata, kallon sa tayi tace “Yauwa Malam Yahuza nagode.”

Ta fad’a tana Jan kayan zuwa cikin falon.

Tsimma ta d’auko ta goge kujera

sannan ta fad’a a kai tana cewa

“Washh Allah bayana.” Ta fad’a tana kwanciya akan kujeran.

Ta dad’e a kwance kafin ta mik’e

ta d’auki tsintsiya ta Soma share falon sama-sama, sai da ta gama sannan ta gefa tsintsiya bayan k’ofa tare da d’aukan kayan ta ta

saka cikin bedroom d’in ta.

Cikin ma yayi kura Amman bataji zata iya sharewa a yanzu ba, hakan yasa ta ajiye kayan ta

sannan ta shigoa toilet domin yin

wanka.

Bayan ta fito shiryawa tayi cikin dogon rigar ta atamfa sannan ta d’auki k’aramin mayafi ta rufa kafin ta fito daga d’akin ta.

Part d’in Gwaggo ta nufa bakin ta d’auke da sallama, amsawa Mata

Gwaggo tayi tana me mik’ewa ta

zauna tare da cewa

“Aa ke kuma saukan yaushe?”

Zama tayi akan kujera kafin tace “Wllh Gwaggo na d’an dad’e da zuwa na tsaya hutawa ne shiyasa ban shigo ba, da fatan nasame ku lafiya?” “Lafya k’alau ya iyayen naki kuma, shiru-shiru kin tafi ba ko labarin ki Sameenah, kinbar gidan mijin ki kusan sati biyu me kike ci

a kadunan haka?”

Kallon Gwaggo Sameenah tayi ta tab’e baki tace

“Gwaggo wajen iyaye na fa naje, tunda akayi auren mu ban tafi ba

sai wannan karon toh menene Dan

nayi sati biyu.”

“Toh Dan kinje wajen iyayen ki sunfi mijin ki ne? Kaji mun maganar banza a wajen yariyar nan, Kuma ai da ace kin haihu babu me hanaki kije wajen nasu ki zauna har arba’in babu me hanaki,

Amman da yake ke gaki nan sai ci ba ciki har yanzu shiru Allah dai ya sakawa Abdallah albarka a cikin kasuwancin sa ya ci gaba da ciyar da ku, Amman kam gaskiya yana wahaluwa.” Ta fad’a

tana kallon Sameenah wacce ta

kumbura da bacin rai.

Mik’ewa tayi tsaye kafin tace “Naji Gwaggo daga dawowa na

ba abinda Zaki mun sai ci mun

mutunci, naji Kuma na amsa sai

dai Kuma abinda zan fad’a Miki

shine haihuwa na Allah ne, shine

baiga Daman bani ba, sannan Naga

ko kema ai Abdallah kad’ai kika

Haifa bayan shi ko kin haifi wani ne?” Tana fad’an haka ta fice daga falon.

Gwaggo kuwa fashewa tayi da

kuka tamkar wacce aka aikowa

da mutuwa sai surutu take Wai

Sameenah ta zageta.

 

Da misalin k’arfe biyar na yammah Jiddah ta fito daga d’akin ta dakyar saboda kumburi da k’afafu ta sukayi, a hankali ta k’arasa k’ofar Sameenah tayi sallama.

Sameenah da take kwance saman

kujera mik’ewa tayi ta fito ta tsaya

a k’ofar d’akin.

“Sameenah Ashe kin dawo ban

sani ba ai sai da naga fitowar ki d’azu, yasu Mama da fatan suna lafiya?” “Lafiyan su k’alau suna gaishe ku,

na d’auka idan na dawo kin haihu

ashe har yanzu shiru.”

“Wllh kam Sameenah gashi nan dai har yanzu Allah bai kawo lokaci ba, daman Abban Na’eem ne ya ce na sanar miki yau kece zakiyi girki Wai ya kira wayar ki baya shiga.”

Wani kallo Sameenah tayiwa

Jiddah tare da cewa “Kan Uban nan! Daga dawowan nawa ne zan muku girki? Gaskiya bazan iya ba kiyi idan yaso gobe

sai na karb’a.”

Kallon ta Jiddah tayi fuskan ta d’auke da damuwa tace

“Kiyi hakuri ki girka Sameenah wllh banajin dad’in jiki na, ki duba kiga yanda k’afafu na suka kumbura, tsayuwar Nan da nayi

ma ji nake tamkar zan fad’i.”

Tab’e baki Sameenah tayi tace

“To kuwa za’a zauna ba’aci abin ci

a gidan Nan ba, Dan Nikam bazan iya shiga kitchen yanzu ba.” Tana gama maganar ta juya ta shige d’akin ta.

Da kallo Jiddah tabi Sameenah tana mamakin irin halin ta, ita yanzu ko tausayin ta bata ji ba.

Juyawa tayi da niyar komawa, sallaman yaran ta da taji yasa ta juyawa tana sakar musu murmushi, duk zuwa sukayi gaban ta suka zagaye ta, d’aya bayan d’aya take shafa Kan su tare da

cewa

“Da fatan Yara na sun dawo cikin

koshin lafiya?”

Yaseem wacce take itace Babba

a cikin su wacce yanzu zata Kai shekaru 11 tace

“Lafiya k’alau Ammy ya jikin ki?”

Murmushi tayi mata tace

“Da sauki na warke ma.” Sauran yaran ma duk cewa sukayi “Ammy ya jikin ki?” Suka fad’a a tare, murmushi tayi musu tace “muje ku cire uniform d’in ku.” Ta fad’abtana jan hannun Afrah wacce take itace k’arama.

Sosai Jiddah takejin jikin ta babu dad’i hakan yasa batayi gigin d’aura girki ba.

Bayan magriba Abdallah ya dawo daga kasuwa kana ganin sa kasan yayi mugun gajiya, dakyar yake daga kafafun sa har ya k’araso cikin gida bayan ya gama parking

motar sa.

Direct D’akin sa ya nufa, a falo ya zub’e duk da kuwa falon ya d’anyi kura, ya dad’e zaune a falon

Amman babu Wanda ya shigo, lokaci lokaci yake kallon k’ofar d’akin ko zaiga Sameenah ta shigo

Amman shiru ba ita ba labarin ta.

Mik’ewa yayi ya fito dan wani mugun yunwa yake ji, d’akin

Sameenah ya nufa sai dai samun

d’akin yayi a banke an rufe ta ciki.

Kwankwasawa yayi Amman shiru, ya dad’e yana buga k’ofar kafin

Sameenah ta bud’e tana kallon

Abdallah da ya had’e fuska.

“Me kikeyi haka Ina ta buga k’ofa

baki bud’e ba?.”

Dankwalin hannun ta ta d’aura a

kanta kafin tace

“Sorry banji bane Ina ciki Ina aiki.”

Kallon ta yayi yace “Ok bakiji dawowa na ba kenan?” “Naji man lokacin ma aiki nake.”

Cike da Jin haushin yanda take mishi magana Abdallah yace

“Ok ki kawo mun abinci na falo

na.”

Tab’e baki tayi tace “Ni ban girka komai ba, a gajiye nake sai dai zuwa gobe.” “Kamar ya? baki girka komai ba

Sameenah? Jiddah bata fad’a miki

ba ne?”

“Ta fad’a mun Amman a lokacin

na sanar da ita bazan iya ba.” Tana gama fad’an haka ta juya ta shige falon ta.

Abdallah da ran sa yayi mugun

baci a har gitse ya juya ya nufi d’akin Jiddah.

 

*Kar fa ku bari a baku labarin GIDAN ABDALLAH ku biya 500 kacal ta wannan acc din domin samu ku karanta cikin salama da kwanciyar hankali 3144651347 Khadija Ibrahim sunusi first bank ko Kuma katin mtn ko Airtel ta layin nan 08146196391*

 

 

*MOMMYN MUSADDIQ*

About the author

Hausa_Novels

1 Comment

Leave a Comment