Inayah Hausa Novel Complete

Inayah Hausa Novel Complete

 

 

 

 

 

 

 

_INAYAH_*

 

_(Riba Biyu)_

 

 

 

_Mamuhgee_

 

 

 

1

 

_*please masu daukamun Sunayen books da Labarai suna sauyawa suyi nasu lamarin ina ganinku dan Allah ku daina ba kyau, kuma masu copying nagani allah ya kyauta ngd duk cikin Qaunace allah yaqaro kauna🥰*_

 

 

 

 

 

_BismillahirRahmanirRaheem_

 

Tasowa tayi ahankali tana takowa zuwa tsakar gidansu datake jiyo maganar mahaifiyarta da yayyunta maza tareda kishiyar mahaifiyartata suna magana duk a jujjuye sbd hankalinsa daya tashi lokaci daya cikin mummanan yanayi da tashin hankalin mugun labarin dayazo musu yanzu yanzun.

 

Gidan Abdallah Hausa Novel Complete

 

Ita kanta hankalinta baa kwance yakeba dama can sbd halinda take ciki na jinyar mijinta dake kwance asibiti Yana jinyar accident dasukai kwana biyu dasuka wuce a hanyarsa ta dawowa daga gurin daurin auren qaninsa dasuke uwa daya uba daya,

 

 

 

Kaman a fizge kunnuwanta suka jiyo mata abinda babban yayanta Umar ke fada saidai Sam takasa fahimtar abinda yafada din zahirance Dan haka tana buqatan jinsa da kyau,

 

 

 

Ta qaraso jikin kofar ta yaye labule ta fito tana kallonsu daya bayan daya fararen idanuwanta dasuka jima da shigewa ciki ciki sbd damuwar datake ciki kwanakin,

 

 

 

Suma ita suke kallo Kaman yanda take binsu da kallo kowannensu fuskarsa cike dauke da alhini dakuma tausayinta Dan kuwa Rashin miji a irin shekarunta abin tausayi

 

Ga Kuma ‘da da ciki dake jikinta.

 

 

 

Kallon mahaifiyarta tayi taga yanda tayi qasa da Kai cikin yanayi na hawayen dasuke Neman saukar mata takasa kallon Yar Tata

 

 

 

Dan haka ta kalli kishiyar mahaifiyarta kai tsaye tace”

 

 

 

Inna Menene duk kukai wani iri haka?

 

Lafiya kuwa?

 

Wani abin yakuma faruwa ne?

 

 

 

Maida kallonta tayi kan yayyunta dake tsaye suna kallonta tace”

 

 

 

Yaya Umar,Yaya kabiru?

 

Lafiya duk kukai shiru haka?

 

Jikin Abban Abdul ya tashi ne?

 

 

 

Ajiyar zuciya Yaya kabirun ya sauke tareda gyara tsayuwarsa ya kalleta da Dan alhininsa irin na maza masu taurin zuciya Kai tsaye yace”

 

 

 

Khadija bayan barowarki asibiti yanzu Allah yayiwa Salisu cikawa……..

 

 

 

Bai qarasa ba ta waiwayo gefensa tana kallonsa cikeda zallan mamaki da faduwar gaba muryarta na gwamutsuwa tace”

 

 

 

Yanzu fa na Barosa Yana barci,

 

Wanka fa kawai zanyi nakoma asibitin shine zaace ya rasu????

 

Yanzu yanzu fa?

 

 

 

Da sauri innar ta riqota cikin tausayawa tace”

 

 

 

Hadiza karkiyiwa ubangijin haka,

 

Tawakkali zakiyi tunda kinsan dai baa wasan mutuwa…

 

 

 

Idonta na sauya zuwa ja da hawayen dake kokarin cikowa saidai taurin zuciyarta ya hanasu fitowa

 

ta katse innar da cewa”

 

 

 

Inna bacci nabarosa yanayi fa,

 

Yaji sauki sosai yau,

 

Rasuwa fa akace,

 

Mutuwa fa kenan, ya tafi ba dawowa har abada,

 

Ta Yaya zanyi…….

 

 

 

Cikin Dan daga murya Yaya kabirun yace”

 

 

 

Ke Khadija Menene hakan?

 

Rasuwa fa akace Miki salisun yayi,

 

Ki nutsu ki fahimci ita rasuwa babu ruwanta da yanzu yanzun dakike fada,

 

Kiyi gaggawar bude hankalinki ki fahimci abinda yafaru dake,

 

Salisu ya rasu bazai taba tashiba……

 

 

 

Bakinsa take kalla kanta na juyawa

 

Zuciyarta na harbawa da mugun qarfi Kaman zata faso kirjinta,

 

 

 

Mamarta ta kalla idanuwanta na qafewa taga alamar gskiyar zancensa akan fuskan mamar,

 

 

 

Ta waiwaya ta kalli Yaya kabiru Shima hakan tagani.

 

 

 

Wani busasshen yawu ta hadiye wanda har yankan maqoshinta yake

 

Ta juya kai tsaye Takoma dakin mama ta dauki doguwar hijabinta data cire bayan shigowarta gidan ta zira ko waya da kudin adaidaita Bata daukaba ta fito ta zira slippers din mamarta daya Da nata takalmun daya batareda ta luraba ta nufi kofa tana jefa ka kawai dan bata cikin hayyacin kallon gaban nata

 

asibitin take buqatan isa kawai.

 

 

 

Inna ce tayi saurin janyo nata hijabin tabi bayanta tana Kiran sunanta,

 

 

 

Mamarta kuwa kallon Yaya Umar tayi tana cewa”

 

 

 

Bisu kabasu kudin adaidata ban Saka ran kowannensu ya daukaba.

 

 

 

Juyawa yayi ya bisu

 

A titi yayi saurin taddasu ya ciro 1000 ya miqawa Inna Yana cewa”

 

 

 

Ga kudin adaidata Inna

 

Ki lura da ita Inna kartaje asibiti tayita wainnan maganganun

 

Tawakkali akeyi kifada mata Inna.

 

 

 

Da sauri innar ta qarasa gurin hadizar daketa zuba sauri tana tafiya ta riqota ta riqe hannunta gam tana kokarin Kiran sunanta saiga adaidata gabansu ba Bata lokaci suka fada ciki

 

innarce tafada masa asibitin da zasu

 

Khadijan kuwa Banda rawa babu abinda qafafunta da hannuwanta keyi.

 

 

 

Isarsu asibitin ko Gama tsayuwa baiyiba Khadija ta sauka tareda wucewa da sauri ta nufi hanyar Emergency ward da har lokacin Salisu anan yake.,

 

 

 

Tun daga nesa Yan uwan Salisu din maza da mata suka hangota tana tahowa a gigice ko ganin gabanta batayi

 

Hankalinsu yakuma tashi da tsananin tausayinta dan haka da yawansu suka qara fashewa da sabon kukan Rashin Dan uwansu.

 

 

 

Tana qarasowa da kallo tabisu daya baya daya taga yanda mahaifiyar salisun ke rusa kuka take taji Rabin jikinta na neman mutuwa ta qarasa dakin tashige da gudu ta nufi gadonsa da gawarsa kawai ta tadda a rufe da zanin gadon data zo masa dashi yau da safen.

 

 

 

Tsawonsa ta kalla tareda hannuwansa da aka miqar,

 

 

 

Kasa gasgatawa tayi Saida takai hannu ta yaye zanin tayi arba da kyakkawar fuskarsa ta asalin fulanin Yola….

 

 

 

Mummanan bugawa zuciyarta tayi ba tsammani idonta yarufe tana kokarin zubewa Inna tayi saurin tarota tana Kiran sunanta Amma Sam batajinta sai neman somewa takeyi.

 

 

 

Da sauri hajiyarsu salisun ta qaraso tana cewa”

 

 

 

Ku koma gida da ita karta shiga wani Mummanan halin ga juna biyu a jikinta.

 

 

 

Qwacewa takeson yi Dan Bata tunanin zata bar gawar salisun ta tafi koina Amma batada qarfin motsawa bare magana Dan bakinta take ya manne Kaman an Saka mata glue.

 

 

 

Tana kallon gawar mijinta Salisu aka jata aka fice da ita har waje aka kuma sakata napep tareda Inna da qanwar salisun suka nufi can gidan iyayen salisun.

 

 

 

Suna isa ko tsakar gidan Bata qarasa shigaba ta yanke jiki ta fadi jini nabin qafafunta.

 

 

 

Hankali tashe sukai kanta tareda ciccibarta zuwa dakin hajiyarsu salisun Inna na Kiran sunanta hankali tashe.

 

 

 

Jini sosai take zubarwa Wanda ya tabbar musu da cikin zubewa ne yayi babu tantama Dan haka basuyi wani yunqurin maidata asibiti ba haka Inna da dattijuwar gidan qanwar mahaifinsu suka taimaka mata gurin ganin jinin yagama zuba ta Dan gyara.

 

 

 

Kururuwar koke koken da gidan ya dauka ne ya tabbatar musu da isowar gawar Salisu gida

 

Tana jin hakan ta rintse idonta cikin tsananin azaba sauran abin dake cikin nata ya qarasa zubowa sai alokacin wani irin gunjin kuka Mai tafe da radadin zuciya ya kufce mata.

 

 

 

Inna dake kanta ta qara matsowa tana dafata cikin tausayawa jin irin girman kukan datake,

 

 

 

Kuka takeyi sosai zuciyarta na radadin Rashin mijinta uban ‘danta dakuma wannan cikin daya qwallafa ransa akansa,

 

Ashe tareda cikin zasu bar duniya Rana daya shiyasa Allah ya saka masa tsananin kaunar cikin abokin tafiyarsa ne kenan.

 

 

 

Bata damu da yanayin datake ciki ba

 

Haka ta dafa ta miqe tsaye tareda qarasawa tsakiyar bayin dakin hajiyar ta wanke jikinta daqyar sbd tsananin rawar da hannuwanta da qafafunta keyi.

 

 

 

Fitowa tayi Kai tsaye ta karba zanin da inna ke miqo mata ta daura wani irin tsananin jiri da ciwon mara Mai tsananin gaske Yana nukurkusarta Amma taqi yarda tazauna Kai tsaye ta fito tsakar gidan sanyeda hijabinta tanajin yanda tako ina gidan ke amsa amon kukan Yan uwan Salisu.

 

 

 

Gawarsa dake shimfide a dakin da zaai masa wanka ta nufa ta zube gabansa tafara rero wani irin gunjin kuka tana Kiran sunansa.

 

 

 

Duk yanda akaso janyeta kasawa akai sbd kuka takeyi sosai zuciyarta na tsananin qunar Rashin mijinta datake tsananin so da kauna yau gashi ya tafi yabarta cikin duniyar da kowa babu abinda yasani sai kansa,

 

 

 

Ina zata da ‘danta Abdul Wanda tasan babu Wanda zai daki kirji a cikin danginta Kona salisun ya tallafi rayuwarsu.

 

 

 

Lokacinda za ai masa wanka da sirita aka samu aka janyeta daga dakin musamman da itama wani irin gagarumin zazzabi ya rufeta lokaci daya dakuma sabon jinin daya Kuma balle mata sai alokacinma kowa ya San da Bari tayi.

 

 

 

Baa kaita asibiti ba a dakinta dake gidan aka kwantar da ita kasancewar a gidan suke zaune tareda iyayen salisun tunda dagasu har iyayen ba masu hali ban Dan hakan nema sukeda daki daya tal da Dan qaramin palo da bandaki acikin palon,

 

Tana daki ana fama da ita har aka tafi da gawar makwancinsa,

 

 

 

Iya fatu aka kirawo makociyarsu Mai karban haihuwa ita tazo ta duba hadizan ta tabbar musu da cikin yagama zubewa

 

Nan aka shiga wani jimamin aka fara kulawa da hadizan.

 

 

 

Sbd yanayin jikinta dakuma zaman gaisuwar da ake gidan yasa dole Inna ta zauna tareda ita tadawo da kwana gidan tunda maman hadizan bazatazo ta zauna ba.

 

 

 

Sosai take fama da jinyar kanta bayan kwana biyu da rasuwar sbd takasa daina kukan mutuwar Salisu,

 

 

 

Salisu mijine ma gari Kuma uba nagari hakama ‘da na gari gun iyayensa.

 

 

 

Cikin kwana biyu duk tabi ta yamutse da tsananin damuwa dakuma ciwo dake damunta na tsananin ciwon mara na barin datai.

 

 

 

Angama zaman gaisuwar har anyi sati biyu babu wani Abu daya sauya daga gareta saima sabon ciwon damuwa daya kamata Sam takasa fita daga halin damuwar Rashin mijinta,

 

 

 

Inna na tareda ita har lokacin Kuma dai ita zata zauna da itan har tsawon watannin dazata Gama takabarta kafin sukoma gida tare.

 

 

 

Abdul Yana gurin mama dama tun tana zaman jinyar abbansa asibitin kafin rasuwar tasa Dan haka kullum a daki suke wuni daga ita sai Inna,

 

 

 

Abincinta Wanda yake kicin dinsu tun Wanda salisun ya siya shi Inna ke dafa musu yana qarewa babu Wanda yakawo musu wani saidai aka ringa Basu daga cikin gidan Idan an dafa,

 

 

 

Wanda ake basun baya wani isarsu itada innar dan haka so da yawa innar Idan taci na safe yafe mata na ranar take ita taci,

 

 

 

Itakuma Idan anbasu na daren saitace ta koshi saita barwa innar taci.

 

 

 

Tun daga Nan yanayin yafara kulle musu

 

Da innar dai taga daga ita har hadizan sunfara dogayen wuyan yunwa Kamar Yan gudun hijira dole taje gida ta sanarwa mamar hadizan sukai shawara akaiwa Umar da kabiru magana akan su taimakawa hadizan da abinci

 

shine suka Dan fara taimakawar duk bayan kwana biyu suna Bata dubu daddaya ko dari Biyar Biyar.

 

 

 

Tun suna Bata tana samun na siyan abinci da Kamar su sabulun wanki hardai Suma ana Jan lokaci suka daina sbd Suma da nauyin nasu iyalan akansu dan haka suka koma Yar gidan jiya.

 

 

 

Watan salisun uku da satittika da rasuwa gabaki daya rayuwarta ta juya mata upside down sbd hajiyarsa itama ta kanta takeyi Dan dama shine kawai Mai tausayi da tallafa mata acikin yayanta shiyasa itama bazata iya daukan nauyin hadizarba Dan haka kowa tasa ta fisshesa akeyi a gidan.

 

 

 

Hadizar ta rame ta hargitse ta sauya kamanni sosai bayan dogon wuya da dogon hanci sai ido dasuka fito kaman me Neman allura a duhu haka Takoma dama ita Inna sun saba da talaucinsu Dan haka masifar quncin Rashin ba wani damunta tayiba Kaman dai yanda tausayin rayuwar hadizan tafi damunta sbd tasan wani sabon gararin ne zata tadda gida koda tagama zaman takabar sunkoma.

 

 

 

Ta bangare daya tunda tayi barin cikinta lokacin rasuwar Salisu har yanzu takasa ganewa lafiyaarta sbd ciwon mararta yi yakeyi Yana tasan mata,

 

Wani lokacin idan yatasar mata Kaman zata rasa ranta haka take fama dashi Amma Bata taba zuwa asibiti ba Dan babu hali,

 

 

 

Ko innar dasuke tare Bata sanarwaba Dan karta daga mata hankali bayan daga ita har mamarta tada hankali kawai zasuyi basuda wata mafitar.

 

 

 

Cikin wani irin tsanani da matsuwar Rashi da tarin damuwa tagama zaman takabarta suka fara Shirin tattarawarta komawarta gidansu.

 

 

 

Hajiyar Salisu tayi sabon kukan mutuwarsa lokacinda hadizan zata tafi,

 

Tanajin inama tanada halin cigaba da kulawa da matar salisunta da ‘dansa data riqesu

 

Amma batada Wannan halin,

 

Ko Abdul dinma tana tsananin kaunarsa saidai bazata iya riqonsaba shiyasa batamayi maganar karbarsaba,

 

Da mahaifinsu salisun Shima Yana raye tasan bazai taba barin hadiza da Abdul din su tafi ba.

 

 

 

Ita kanta hadizan ta San cewa Rashin halin ne yasa hajiyar batai yunkurin cewa a bar mata abdul ba Dan tunda salisun ya rasu itama yanzu abincinta neman gagarta yake

 

Gwara tabarwa hadizar ‘danta tasan duk tsanani zata nema ta kula dashi.

 

##MAMUH#

 

#ZAFAFABIYAR#

 

 

 

 

 

_ZAFAFA BIYAR_

 

 

 

*_INAYAH_*

 

_MamuhGee_

 

 

 

*_GURBIN IDO_*

 

_Safiya Huguma_

 

 

 

*_SANADIN LABARINA_*

 

_Hafsat Rano_

 

 

 

*_FARHATAL QALB_*

 

_(Miss Xoxo)_

 

 

 

*_BABU SO_*

 

_Billyn Abdul_

 

 

 

 

 

_*Littafi daya 300*_

 

*_Littafi biyu 400_*

 

*_Littafi uku 500_*

 

*_Littafi hudu 700_*

 

*_Littafi biyar 1k_*

 

 

 

 

 

_BREAKDOWN OF ZAFAFA BIYAR VVIP SINGLE PAID BOOK_

 

 

 

_4 BOOKS 4500_

 

_3 BOOKS : 3500_

 

_2 BOOKS : 2500_

 

_1 BOOK: 1500_

 

 

 

 

 

YADDA ZAKU BIYA KUDIN BOOKS👇🏾👇🏾👇🏾

 

 

 

ZENITH BANK

 

HAFSAT UMAR KABIR

 

2270637070

 

 

 

SEKU TURA SHEDAR BIYA TA:

 

07040727902

 

 

 

IDAN KUMA KATI NE SEKU TURAWA👇

 

09134848107

*_INAYAH_*

_Mamuhgee_

*_Arewabooks@Mamuhgee_*

 

 

2

Dawowarta gidansu dole dakin Inna ta tare tareda innar tunda babu wani extra daki dazata zauna a gidan bayan  nan,

 

Duka duka dakuna biyu ne gidan sai bandaki dake tsakar gida,

Daki daya na mama daya na innar,

 

Ko acan dah da mahaifinsu na raye zagayen dakuna yake,

Ita Kuma Idan Yana kwana dakin mama saita kwana a dakin Inna,

 

Idan a dakin Inna zai kwana saita kwana a dakin mama

Ahaka ta girma harya rasu itama akai mata aure.

 

Dawowarta gida wata sabuwar rayuwar zullumin kullum tashiga acikinta,

 

Daga Inna har mama babu Mai wata qwaqwarar sana’a,

Mamace ke Saida lallen hausa

Inna Kuma tana saida su kanwa da borkono

To tundama ta tafi taya hadizan zaman takaba sana’ar ta tafi sbd jarin ba wani Mai yawa bane dakuma hardashi suka hada duk suka cinye a can gurin zaman tunda sun shiga tsanani,

Dan haka sana’ar innace kawai yanzu take Dan taimakawa ta wani bangaren Amma kam suna cikin gararin yanayi sbd Suma dama can salisun ne yake dauke da nauyin nasu tunda nasu yayan basa taimakonsu kansu da matayensu da yayansu kawai suka sani.

 

Ita Inna Bata taba haihuwaba shiyasa tun take riqon hadiza tun tana yarinya gashi Kuma hadizar ce kawai mace acikin yayan mama dukansu mazane su uku,

Malam Nafi’u Wanda Allah yayi rasuwa watannin baya,

Sai Kabiru da Umar dasu kuma ayanzu kownanensu yakeda mata daddaya da yara kusan Biyar biyar,

 

Sai ita autarsu Khadija wadda Rashin tsayayyan manemi yasa batai auren wuriba sai data dan girma a gida sosai takai kusan shekara ashirin da takwas  kafin tasamu salisunta dasuke tsananin so da kaunar juna sukai aure ya dauke nauyin tallafawa su Inna daidai gwargwadonsa.

 

Daga Yaya Umar har Yaya kabiru babu Wanda  ya dauke lalaurar kula dasu mama,

Saidai idan an kwana biyu su samu Kamar dubu daddaya su Basu ko 500 Wanda sukam suke ganin kokarinsu a hakan suyita saka musu albarka duk da innar tasan basa kyautawa suna kallo Salisu ke ciyar dasu bayan Shima ba wani karfin yake dashiba kawai zuciyar alkhairi yafisu.

 

Yya Kabiru koyarwa yakeyi a secondary school din gwamnati dake kusa da anguwar dayake da iyalinsa

Kusan shekara goma kenan Yana aikin koyarwar Amma babu wani cigaba kullum Yana Nan a yanda yake.

 

Yaya Umar kuwa sanaa kowacce yi yakeyi baida tsayayya guda daya Amma dai yafi yin ta dillancin harkar Saida filaye da gidaje Dan Yana samu sosai acikinta shiyasa yafi yya Kabiru rufin asiri,

Qarshema dai fadawa yayi siyasa sbd uban gidansa dayasashi fitowa Dan samun kudin jam’iyyar da zasu fito ta karkashinta tunda sunsan dai ba ci zasuyiba Amma sunsan jam’iyyar zata Basu kudi sosai Dan haka gadan gadan yafada siyasa baji ba gani,

 

Yaya kabiru daya fahimci akwai samu sosai a harkar take ya marawa Umar din Baya Dan Shima ya samma masa Idan ta ‘bulle.

 

Itakam hadiza ganin zaman baida wata mafita

Ga Abdul ya isa sakawa makaranta tuni

Sbd abbansa koda ya rasu yanada burin sakasa makaranta alokacin,

 

Yanzu komai ya juye musu Kuma tanada burin bawa Abdul din ilimi Dan ya anfana rayuwarsa,

 

Gasu Inna da mama kullum cikin dubaru ake

Yau aci kwadon kwaki,

Gobe aci kwadon qanzo,

 

sai ankwana hudu ko Biyar Daqyar ake hada cinikin da zaai musu tuwon gari da miya.

 

Dole hadiza ta tashi ta Saida katifarta da ita kadai ta dawo da ita sai tarkacen kayan kitchen ta kwashesu takai kasuwar Yan kayan hannu ta saida ta tattaro kan kudin taraba biyu ta siyo musu abinci da kayan abincin tadawo gida.

 

Sana’ar kosan safe dakuma awarar Rana tafara da sauran kudin yafara juyuwa.

 

Kasancewar ita Inna da sauran karfinta sai tana taya hadizar aikin sana’ar musamman awarar datafi wuyar sha’ani.

 

Cikin ikon Allah lokaci qanqani saigashi sana’ar ta samu karbuwa sosai duk da farko taci tsananin wuyar wuta da Rashin jamaa masu siya tunda baa saniba,

 

Babu ranarda Bata konewa shiyasa kusan koina tagama kokkonewa hannuwa da qafafu

Har fuska ma wani lokacin idan Mai yayi watsi.

 

Ba laifi yanzu basa neman komai a gurin kowa Wanda dai zasuci saidai Dan abinda baa rasaba.

 

Inna ma tuni dole suke komai tare sbd aikin yanawa hadizan yawa ga koko dasuke hadawa dashi yanzu da safe,

Da Rana ma yanzu ba awarar kawai sukeba harda dankalin hausa da wainar rogo.

 

Dole dai yanzu innace take aikin kosai da kokon safe ita Kuma tana awarar da sauransu da Rana sbd dukkaninsu aikin yayi mutsu tsananin wuya musamman tunda aikin wuta ne,

 

Mama ba cikakkiyar lafiyayyaceba shiyasa Basu taba barin ta shiga sana’ar ba,

 

Tunda mahaifinsu ya rasu haka take yau lafiya gobe ciwo,

Hawan jini da ciwon sugar ke tsananin damunta Dan haka lallabawa kawai takeyi tana rayuwar.

 

Ahaka hadiza ta samu ta sanya Abdul a makarantar gwamnati yafara zuwa

Kullum ita ke rakasa da qafa tadawo

Idan antashi haka take komawa ta dawo dashi sbd akwai Dan nisa sosai.

 

Hutun farko na makarantar tabi taqarasa hargitsewa sbd yanda kullum saita kaisa ta daukosa ga lattin fara sanaarta datakeyi Idan taje daukosa,

 

Dole Inna ce take fara yimata kafin ta dawo daukosa ganin mutane sun fara janyewa ansamu wata Yar baqin cikin ta fara sana’ar a makwaftansu.

 

Ganin Inna ma wahalar duniya tafara sakota gaba sbd ayyukan sun mata yawa ko baccin arziki bata samu sosai dole mama ta ringa karba tanayi sbd Suma su ringa samun sassaauci tunda Allah yasa yanzu da aikin suka dogara kacokam.

 

Tsawon lokaci rayuwar tana yanda take garesu ba wani dogon sauyi saima ciwo daya kwantar da mama Dan haka suka sake zagewa da Sanaa ga Inna itama karfinta yayi qasa,

Ga Abdul yanzu karatun nasa yafara nisa tunda Yana aji biyu yanzu.

 

Ita kanta lafiyarta wani lokacin qaranci take mata sbd ciwon mararta har lokacin Yana taso mata akai akai gashi wani babban ikon Allah dayake kamata shine tunda tayi Bari lokacin rasuwar Salisu har yau Bata taba yin wani al’adar ba,

 

Tayiwa Inna maganar innar tace mata wasu matan na hakan musamman Idan suntaba samun matsala ta Bari Dan haka ko jinin Al’adar zai koma ya ringa zuwa daidai sai tayi wani auren kilan.

 

Da Wannan zancen ta tattara maganar Rashin zuwan Al’adar ta watsar tafara neman wata sana’ar sbd wannan din ta daina tafiya sosai sbd kusan anguwar ganin ana samu duk sun fara sana’ar shiyasa yanzu ba mutane sosai.

 

Ganin wata sana’ar taki samuwane

Duk Wanda tafara Bata karbuwa gashi jarin nata tafiya gurin hidimar gidan yasa dole tafara zuwa aiki wani gida acan GRA da mama Indo qanwar Inna ta Samar mata.

 

Fara aikinta sai rayuwa kuwa ta sauya musu Dan yanzu da albashin suke komai.

 

Bata wani jimaba da fara aikin saigashi hajiyar suka tattara suka bar qasar itada ‘yayanta dole tadawo zaman gida ba wani aikin.

 

Jin bazata iya zaman ba aikin komaiba yasa takuma zuwa tasamu mama inda dake shirye shiryen tafiya Lagos itama aikin Sanaa tace takuma samar mata wani aikin.

 

“Babu wani gidan aiki Idan ba Lagos Zaki shirya ki bini ba kya ringa musu aike daga can kokuma abaki Aron kudi ki bar musu Idan munje can kya ringa biyana da kudin aikinki??”

 

Haka mama indo ta sanar mata Dan haka batada wani sauran zabi bayan amincewarta sbd suna cikin tsananin halin nema gskia.

 

Ko data sanar dasu Inna farko sunso hanawa Amma ganin yanda mama Indo tai musu bayanin aikine kawai a wani babban restaurant na masu kudi da aka bude Kuma sunada masauki Mai kyau da restaurant din suka tanadarwa ma’aikatansu a tsaftace cikin kwanciyar hankali.

 

Hakan yasa suka amince tareda bawa mama Indon Amanar kula da hadizar duk da ba yarinya bace.

 

Kudi sosai hadiza ta karba gurin mama Indo ta siyawa su mama abinci Mai Dan yawa tareda dinkawa Abdul uniforms har kala biyu da sabbin takarman zuwa makaranta da slippers harma da sababbin litattafai.

 

Sauran kudin taje takuma siyo musu sabulan wanka da omon wanki dasu lalle da kanwar dazasu ringa saidawa daga zaune cikin gida ta damqawa Inna sauran kudaden a hannunta.

 

Daga Yaya Umar har Yaya kabiru babu Wanda yayi yunqurin hanata tafiya sbd su yanzu siyasar gabansu ta ishesu shi Yaya kabiru harda tattara  aikinsa yayi ya ajiye sbd ganin sun fara samu ba laifi.

 

_LAGOS_

Da farko tafara Shan wuyar rayuwar garin data aikin dasukeyi sbd wani sabon hotel ne da aka bude aka daukesu aikin Dan haka wainda basajin turanci bangaren restaurant aka ajesu gurin harkar abinci.,

 

Farko ganin baa bacci kwana akeyi aiki yasa tafarajin zuciyarta tayi sanyi da rayuwar,

Amma ana Bata albashin farko taga irin yawan kudin sai kawai ta tattara kyuya da damuwar komai ta watsar ta zage da aiki gadan gadan.

 

Kasancewarta mai tsananin kokarin aiki da Amana da ladabi yasa cikin wainda aka daukesu tare watansu biyu aka qara mata matsayi tareda dauketa daga kitchen aka maida bangaren tsafta,

Ma’ana bangaren masu Kai abinci dakunan manyan Idan sunyi odar abinci Dan haka kusan yanzu hutawa takeyi sosai sai anyi odar abinci taje takai.

 

Gidan dasuke cikin kudinsu na albashi ake Dan tsakura duk wata ana biyan haya Dan haka hankalinta ya kwanta sosai gashi ahakan duk wata take turawa su Inna Yan canji ta hanyar Mai pos din kusada gidan nasu data baro.

 

Kwanciyar hankali da hutu da Kuma nutsuwar datake samu yasa tafara sauyawa sosai sbd abinci Mai kyau na hotel din sukeci,

Nama da kayan Dadi kala kala haka suke ci dan haka tafara sauyawa sosai,

 

Mama indo dai ita a bangaren abinci take har lokacin Kuma babu ranar sauyata daga gurin sbd yanda ta iya wata irin lallausan sakwara da Amala,Eba,semo

duka dai kalolin swallow babu Wanda mama Indo Bata qwareba shiyasa saka barta agurin Kuma itama ahakan ba qananun kudi take samuba sbd yanda suke tsananin son aikinta.

 

Hutu da nutsuwar da kwanciyar hankalin data samu tareda abinci mai kyau yasa tafara sauyawa jikinta yafara budewa da wata irin kiba,

 

Hasken fatarta daya jima da dafewa saigashi yafara washewa Yana dawowa,

 

Da farko tayi mamakin hakan Amma ganin rayuwar nutsuwar datake yasa Bata damuba saima Jin dadin hakan datai sbd tasan inshallah yanzu zata iya samun miji tayi aure tunda tayi kyan gani.

 

Ba laifi cikin qanqanin lokaci tasan mutane dakuma Yan tsirarrakun areas da streets sbd tana fita Yar siyayyarta

Yanzu har maganin gargajiya take siya daga nan ta aikawa mama da koyaushe take fama da jiki duk da ana cemata taji sauki din saidai yanayin muryar maman yasa ta fahimci suna fadane kawai Dan kwantar mata da hankali.

Hakama Abdul tana Dan yimasa siyayya idan zatai Aiken ta aika musu.

 

Tana gab da cike shekara a sabuwar rayuwarta ta Lagos ta fahimci wani babban alamari Mai tsananin ban tsoro da firgitarwa a tareda ita.

 

Bata tabbatarba Dan haka ta saka lokacin zuwa wani qaramin asibiti dake kusada anguwar dasuke,

 

Ana albashi da kwana biyu ta kwasa ta nufi asibiti a dubata sbd tabbas Idan tanaji Kuma tana fahimtar daidai motsin ciki takeji a cikinta Wanda girman daya fara yasa ta dauka kibar datayi ce Kuma hakan Wainda take taredasu suke fada tayi qiba tayi tumbi.

 

To me take Shirin ji ne?

Tsakanin kwanaki Biyar zuwa yanzu take Jin motsin sosai da juyi Wanda ta tabbarda cikin haihuwane kawai yake Wannan motsin.

#MAMUH#

#LOVE#

#ROMANCE#

#ZAFAFABIYAR#

*_INAYAH_*

_Mamuhgee_

*_Arewabooks@Mamuhgee_*

 

 

3

InnalillahiWainna ilayhirrajiun”

 

Shine abinda zuciyarta tafada lokacinda take zaune cikin jerin layin ganin likita data buga sammakon zuwa.

 

Gyara zamanta tayi a karo na Bata lissafi sbd gabaki daya takasa nutsuwa ta aje jikinta guri daya,

 

A tsananin matse take datasan asalin Menene ajikinta,

 

Shin wani ciwon ne yasameta?

kokuwa wata lalurarce Wannan da batasan da itaba?

 

Itadai a yanzu koma menene gata agaban dakin ganin likita Allah yasa taji abinda zuciyarta zata iya dauka sbd koma wane irin ciwone atareda ita Bata tunanin Mai saukine sbd girman motsin datake ji.

 

Dago Kai tayi ta Dan bude manyan fararen idanuwanta dasukai jajir da tsantsar damuwa da fargabar fake gamutse cikin ranta da kanta

Ta kalla inyamurar data fito daga ganin likitar wadda daga ita mutum biyune ya rage layin yazo kanta.

 

Bin bayan wadda ta shiga tayi harta shige kafin ta dauke kanta tana sunkuyar da kanta gefe tareda rufe idanuwanta tana sake Jin motsin da akeyi acikin cikin nata.

 

Haka ta muskuta tana cigaba da zaman jira zuciyarta na cigaba da cika ta koina da damuwa da fargabar abinda zaije yadawo har tsawon mintuna ashirin kafin aka kirata ta miqe tareda gyara zaman qaramar Jakarta dake rataye kafadarta ta nufi kofar dakin ganin likitan tashige tana kokarin samarwa kanta nutsuwa sbd tayiwa likita bayanin yanayinta a matse.

 

Dr Adebayo A Aziz tagani rubuce a gaban farar Lab coat din dake jikinsa

 

Ta qaraso ta zauna jiki a sanyaye sbd taso tasamu likita Mai Jin hausa koda Yar kadan ce sbd tasamu ya fahimci zancenta dakyau hakama itama ta fahimci abinda zai sanar da ita da kyau.

 

Tanajin dan pidgin dinta data koya a zaman garin Lagos din saidai bazai isheta suyi magana da kyauba Dan haka sai kawai jikinta yakuma sanyi ta gyara zamanta ahankali tana dagowa ta kallesa lokacinda ya bude Baki Yana kallonta Kai tsaye yace”

 

Yes, what’s the problem madam?

 

Dan rage kallonta akansa tayi cikin sanyin jiki ta bude Baki tana Kai hannu kan cikinta da yayi tauri cikin kwanakin ta nuna masa tana harhada turancin da qyar cikin gwamutsawa tace”

 

Something is moving inside my here” ta qarasa fada tana nuna masa cikinta da hannuwanta biyu.

 

Is moving very very much,

But no pains,

No fever,

No anything only the movement inside here.

 

Idanuwansa ya Dan zuba mata tareda sakin murmushin bayanin nata.

 

Ya kalli cikin dakyau Yana cewa ta janye hannunta ya gani.

 

You said no any pains or fever?

 

Gyada Kai tayi tana kallon fuskarsa.

 

Rubuce rubuce yayi cikin file dinta kafin ya aje ya miqe tsaye.

 

Gadon dake dakin ya nuna mata Yana cewa tahau ta janye rigarta ya duba cikin.

 

Ajiye Jakarta tayi gefe tareda moqewa ta nufi gadon tahau zuciyarta na cigaba da tsalle cikin rudani da fargaba.

 

Tana janye rigarta tun kafin yakai hannunsa kan cikin idanuwansa suka tabbatar masa da cikine a jikinta Kuma tabbas inshallah zai Kai wata Biyar zuwa shida haka.

 

Hannu yakai yafara Danna cikin da Dan qarfi Yana examining nata aikuwa saiga cikin Yana sake motsawa.

 

Kallonta yayi Yana zare Safar hannunsa yace”

 

Madam ciki wata nawa???

 

Kallonsa tayi da sauri tana kokarin Jan rigarta ta rufe cikin ta tashi zaune tana Kuma kallonsa Kaman Bata gama fahimtar abinda yafadaba tace”

 

Eh??

 

Komawa yayi ya zauna gurin daya tashi Yana kallonta bayan itama tadawo ta zauna yace”

 

Madma ciki naka wata nawa??

 

Girgiza Kai tayi tana kokarin Hana kanta shiga firgici sbd zancen nasa buga kirjinta yake.

 

Ganin halinda take ciki take ya fahimci batasan da cikinba kokuma cikin Bata shirya daukarsaba kokuma ma batada tabbacin na waye acikin mazan datake taredasu dan haka rubuce rubucensa yayi yagama ya kalleta tareda miqa mata takarda yace”

 

Madam you are pregnant,

I mean kanada ciki zai Kai like 5mnth

Take this kaje kayi scanning ka kawo.

 

Wata takardar yakuma miqa mata yace”

 

And this one,test ne go lab zasu dauka blood naka ayi test na ciki da shauransu, then you’ll come back on Monday and bring the results to me.

 

Hannuwanta dake tsananin rawa takai ta karba takardun tareda miqewa tsaye ta fice zuciyarta na wani irin azabar bugawa da nauyin gaske.

 

Kasa barin asibitin tayi Kai tsaye ta nufi bangaren da ake scanning ta biya ta shiga akayo mata cikin mintuna qalilan saigata da result din ciki a hannu.

 

Rufewa idanuwanta sukai da wani irin tsananin duhu,

 

da daddafawa ta samu wata kujerar plastic dake hanyar fita asibitin ta securities ta zube zaune hannuwanta da qafafunta sosai suka dauki wata Mummanan rawa zuciyarta na qafewa da zallar tashin hankalin da Bata taba shigaba ko alokacin mutuwar Salisu.

 

Takardar dake damqe hannunta ta Kuma dagowa ta kalla kafin takuma budewa hannuwanta na rawa tafara bin rubutun dake ciki daki daki da idanuwanta dake mata zallar yajin radadin Neman hawaye Amma Sam babu alamar zuwansu.

 

Daya bayan daya take bin kalmomin tana karantawa da ‘Dan ilimin bokon datake dashi na iya secondary.

 

Hawaye ne taji suna ciko idanuwanta take data Gama duba takardar,

 

Ko ba Dan ta karanta ba Wannan takardar da abinda ke cikinta ya tabbatar mata da zancen likitan sbd Zak irinta wannan bayanin ne na ciki ajikin takardar dasukai scanning tareda Salisu wancan lokacin cikin Abdul.,

 

Kenan da gaske ta tabbata cikine ajikinta?

 

Tayaya?

 

A Ina ya fito tunda tasani Kuma Allahn da yayita shine mafi sanin Bata taba aikata komaiba a duniya da wani da namijin bayan salisunta.

 

Dama Ace shekarar data gabata ne da saitace cikintane da Salisu ya barta dashi Bai bare ba…. InnalillahiWainna ilayhirrajiun,,

 

Ni hadiza wane irin Mummanan haline Wannan nashiga Wanda bansan meyake faruwaba.

 

Sai alokacin tafashe da wani irin Mummanan kukan mawuyacin halin datake ciki

Ga cikin sai sake motsawa yakeyi alamar Yana cikin cikakkiyar koshin lafiyarsa data sanyashi kwanci tsawon shekara biyu sai yanzu daya samu tashi.

 

Kukan fitar hankali tayi tsawon lokacinda Bata saniba agurin har Saida taji idanuwanta da fuskarta sun kumbura kafin ta iya miqewa ta kama hanyar komawa gida.

 

Isarta gida Bata Bari kowa ya gantaba ta shige daki ta aje Jakarta ta fito tayi alwala Takoma dakin sallah kawai tayi ta fara rokon Allah mafita tana hawaye

Ahaka ta Gama ta miqe Takoma ta kwanta Bata Kuma fitowaba sai washer gari.

 

Gurin aikima datazo nokewa kawai taketa faman yi tana kame kame sbd ganin Kamar kowa zai fahimci cikin jikinta Dan haka duk tabi tayita Jin kanta a muzance.

 

Tana tashi aiki Bata koma gidaba Kai tsaye gurin wani gurin scanning din daban ta nufa takuma yi,

Shima result daya tasamu na akwai ciki.

 

Wani gurin takuma zuwa Shima duk daya,

 

Haka tayita yawon guraren scanning ana Bata result daya

Ta tattara tadawo gida hankalinta zuwa lokacin yagama barin jikinta,

 

Tashin hankali da tsananin tsoro takeji yanzu sbd ta tabbata takuma shaidar kanta Idan har Wannan cikin na haihuwane bana aljanuba to wlh cikin Salisu ne ajikinta Wanda yabarta dashi tunda tasan Bata taba ko tunanin ‘da namiji ba bayan rasuwar salisunta.

 

A daren kwana tayi wani irin kuka da quncin zuciya mai nauyin gaske.

 

Tayaya zata fuskanci duniya da ciki a jikinta?

Cikin da bai tashi fitowa ya bayyana kansaba sai data baro gaban iyayenta tazo Lagos,

To tace me akan cikin?

Zaa yarda da itane?

 

Cikin qanqanin lokaci damuwa da kunci  sukaiwa rayuwarta mugun baibayi,

Sam tarasa walwala da kwanciyar hankali da nutsuwarta,

 

Kullum cikin zullumi da tashin hankali take tashi takuma wuni acikinsa sbd ciki dai yanzu gadan gadan fitowa yakeyi Yana girma ahankali Kaman yanda kowanne lafiyayyan cikin keyi.

 

Lokaci na Ja tadain shiga mutune Sam yanzu Takoma tamkar mujiya sbd yanda cikin yagama fitowa kowa ya ganta Kai tsaye zai shaida cikine a jikinta,

 

Hankalin mama Indo yayi Mummanan tashi da girman mamakin ganin Wannan alamari,

 

Tashin farko Bata yardaba da anata gulmar cikin Hadizar sai data tinkareta ta ganarwa idonta ta tabbatar musamman yanda hadizar takasa hada ido da ita sai hawayen baiqin ciki takeyi.

 

Babu kalar diban albarka da Rashin mutuncin da mama Indo batai mata tareda gori da zagi kala kala karshe ma haka ta tara mata jamaa agabansu tai mata Mummanan wulaqanci har Wanda baima Gama sanin halinda take cikiba yasani,

Take gurin aikin dama gidansu aka fara zundenta,

Masu zaginta da masu tausayinta dama wainda suke ganin ba komai bane Dan tayi cikin,

 

Haka aka ringa yi da ita tun tana daurewa zuciyarta harta fara gazawa sbd babu inda take Jin Dadi ko sassaunci alamarin duniya yataru yayi duhu,

 

Babbar fargabarta da tashin hankalinta Kar mama inda ta sanarwa su mama da Inna halinda take ciki

Dan haka duk tabi ta daga hankalinta wata sabuwar damuwar da tashin hankali yakuma shigarta.

 

Ahankali Ahankali lokaci yakuma tafiya Amma a rayuwar hadiza kullum da’da zurfafa take cikin tashin hankali da damuwa da qunci take sbd rayuwa tayi mata tsanani sosai sbd ciki kam ya tsufa sosai kowanne lokaci zata iya haihuwa,

 

Kullum adduarta Allah yasa ta Haifa abunda yake cikin yazo ba rai ta huta ta tattara Takoma gida sbd bazata iya zuwa gaban iyayenta da Wannan cikin ko abinda zata haifa barema yayyunta data San basuda imanin karbanta da abinda zataje dashi,

barinma yanzu dasuke siyasa bazasu yarda da abinda zai taba qimarsu dasuke tunanin sunada ita a manyansu.

 

Wani sabon tashin hankalin ta shiga Rana tsaka da gurin aikin suka sallameta bataredama sun jira watan yaqare anbata albashintaba.

 

Lokacinda taringa roqar Manager tana basa hakurin yabarta zata iya aikinta koda cikin Amma ya rufe ido ya sallameta tareda Bata awanni akan ta tattara tabar gidan kamfani tunda gurin aikinne suke Basu gurin zaman Dan haka Kai tsaye gida Takoma bayan tagama ganin tonan asiri da tozarci iri iri daga gurin abokan aikinta da jamaar hotel din.

 

Kuka zuwa Wannan lokacin ya ‘dauke mata zuciyarta bayan radadi da tsananin qunci babu abinda take Mata

Dan haka ta tattara kayanta da duka abubuwanta ta fito Kai tsaye ta nufi inda zata shiga motar dazata kaita tashar da zata siya ticket din motar komawa Adamawa.

 

Tunda tashiga mota zuciyarta tai Mata nauyinda Bata ko iya kuka sbd dole dai Takoma gida ta fuskanci Wannan sabuwar qaddarar data zo Mata.

Har motarsu tayi wuni guda a Tasha tana zaune guri daya sallah kawai ke tada ita har dare yayi suna tashar Basu tashiba sai tsakiyar dare motocinsu suka tashi aka dauki hanya.

 

A hanya asuba tai musu,Rana tayi musu,yamma tayi sunata Dukan hanya har wani daren yakuma yi suka kwana ahanya sai ana gabanin asuba suka iso cikin garin Adamawa kowa ya sauka.

 

Lokacin har anfara Kiran sallar asuba a masallatai da dama Dan haka dole da yawansu suka tsaya anan tashar sukai sallar asuba ciki harda ita sbd batasan abinda zata tadda a gidan ba gwara tayi sallar ta nema sassauci daga ubangiji dayake jarabtarta da Wannan rayuwar.

 

Qarfe 5:24 mashin ya sauketa bakin kofar gidansu datai mamakin ganinsa bude lokacin ta sauka daga kan mashin din tana miqa masa kudin data fidda daga jaka tun a hanya sbd daga ta saka ya miqa masa ta shige gida batareda ta tsaya jamaar anguwa  sun gantaba.

 

babu kowa tsit anguwar sbd garin da Bai Gama haske ba

ta kinkimi qatuwar Jakarta da akwatinta harma da wasu ledojin ta nufi cikin gidan zuciyarta na tsananta bugu duk da tayi imanin da iyayenta bazasuyi Mata zargin Zina ba tunda sune suke tarbiyanceta Kuma sunsan halinta da abinda zata iya dama wanda bazata iyaba koda kuwa inda yafi Lagos taje.

 

Ganin Sabon mashin fil a soron gidan yasata kallon kofar cikin gidan zuciyarta na neman karaya sbd fahimtar tabbas kodai Yaya kabiru kokuma Yaya Umar ne acikin gidan.

 

Siririyar shaqurarriyar sallama ta saki lokacinda ta shigo tsakiyar gidan daukeda kayanta kamar sabuwar bokanyar datayo gudun hijira.

##MAMUH#

#LOVE#

#ROMANCE#

##INAYA A MAJEED ABBI#

*_INAYAH_*

_Mamuhgee_

*_Arewabooks@Mamuhgee_*

 

 

4

Inna ce dake kokarin fitowa bandaki riqeda mama ta amsa sallamar Kai tsaye batareda ta Gama tantance waye me sallamar sbd hankalinta gaba daya dake kan Mama data riqo wadda ko tsayuwa Bata iya yi Dan jikinta matuqar sosai yayi tsanani a kwanakin.

 

Sai data fito tsakar gidan da kyau ta dago tana sake amsa sallamar da hadizar takuma tana kallon mahaifiyarta data sauya kamanni gabaki daya sbd tsanani da azabar ciwo.

 

Hawayene suka ciko idanuwanta da sukai zurfin Rama da irin kukan rayuwar datake ciki ta dago qafafuwanta dasukai Mata sanyi da nauyi ta tunkarosu tana Dan kasa kallon cikin idanuwansu da suka zuba Mata dukkaninsu.

 

Inna da qafafunta suka kusa sakewa sbd tsananin mamaki da faduwar gaba

A ‘dan rude muryarta na gwamutsuwa tace”

 

Hadiza kece Wannan a tsaye???

 

Jin hakan yasa mama da Bata gane kowa sosai ta Dan sake riqe hannun innar tana bude idanuwanta ko zata sake ganinta da kyau

 

Sai idanuwanta suka sauka kan tsohon cikin gaban hadizar

Ta Dan motsa kadan tana bude Baki cikin sanyin ciwo tace”

 

Lami?

 

Kasa amsawa Inna tayi sbd idanuwanta data kasa daukewa kan tsohon cikin Hadizar.

 

Lami?

Wace hadizar Kika ambata?

Hadizata ce tadawo?

Itace Wannan a tsaye?

 

wani busasshen yawu Inna ta hadiye tareda sake riqo mamar da kyau sbd hannuwanta dataji suna sanyi da daukar rawar tashin hankali mugun ganin datai safiyar fari.

 

Dakyar ta qarasa da maman kofar dakinta tana kokarin kwantarwa kan shimfidar datai Mata a wajen

Maman ta Dan janye tana waiwayowa ta kalli hadiza da har lokacin take tsaye a inda take cikin mutuwar jiki da qamewar zuciya.

 

Hadiza?

Hadiza kece agurin tsaye?

 

Sai alokacin ta daqo qafafunta ta janyo jiki ta qaraso gaban mamar ta zube tareda fashewa da wani irin kuka dukkanin zuciyarta na Mata wani irin radadin qunci da damuwa da baqin ciki.

 

Kukanta ya tabbatarwa da maman tabbas hadiza ce kuma cikine ajikinta ta samo ta dawo dashi.

 

Cikin rawar murya ta firgici Inna tace”

 

Hadiza cikine ajikinki?

 

Ba musu ba Jan dogon yanayi ta dago jajayen idanuwanta ta kasa kallon innar ta bude Baki murya a shaqe tace”

 

Eh.

 

Hadiza Ina nufin ciki fa na haihuwa?

 

Kuma amsawa tayi da “eh..

 

Hadiza daga Lagos fa kikaxo da Wannan cikin.,

 

Aure kikai acan bamu saniba?

 

Girgiza kai tayi ahankali tareda cewa”

 

Aa inna,Amma wallahi tallahi……

 

Zubewar innace da sautin salatin Yaya Umar Mai qarfine yasa maganarta yankewa hankali tashe ta dago tana kallonsa idanuwanta jajir.

 

Inna gurin mama ta nufa tana Kiran sunanta,

 

Aishatu?

Aishatu? Aishatu Dan Allah karki kashe kanki sbd wannan mugun abun kunyar da hadiza tadauko,

 

Innalillahi Aishatu Dan Allah karki tafi ki barni banida kowa,

Malam ya tafi ya barmu ke kadai Kika rage karki tafi ki barni.

 

Kuka Inna ta fashe dashi tana Kiran sunan inna data jima da somewa.

 

Sabon tashin hankali hadiza tasamu kanta aciki

Da sauri tayi kan maman itama tana kiran sunanta cikin mummunan mawuyacin hali sbd ita kanta tanaji batada lafiya.

 

Wani Mummanan Marin Rashin Imani da baqin ciki Umar ya sauke Mata lokaci daya Yana kallonta a qazance ransa a matuqar bace yace”

 

Karki kuskura ki tabata,

Shekara kusan biyu kena bakya gida

Bakizo musu da kudin dakikaje nemaba sai tsohon cikin banza¿

 

Gashinan Zaki kasheta lokaci daya da baqin ciki,

 

Tashi na daina ganinki wlh kafin na illataki daga ke har abin banzan da kike dauke dashi.

 

Yanda yayi maganar a tsananin fushi da bacin Rai har Yana sake yowa Kanta yasata Jan jiki tayi can gefe tana wani irin kukan zuci Mara sauti.

 

Kwasar mamar sukayi sukai cikin daki da ita sai firfita Inna ke Mata tana kuka Wanda yake na firgici da tsoron halinda Aishatun zata shiga dakuma zallar baqin cikin al’amarin da hadizar take tafe dashi.

 

Duk dubarunsu da ruwa dasuka ringa shafa Mata Bai saka ta farfafo saima qarasa rikicewa sosai da jikin yayi gabaki daya.

 

Hankalinsu duka yatashi Dan haka dole Yaya Umar din ya fidda waya yakira Yaya kabiru,

Shima rabon zaai gabansa ne yasashi zuwa gidan tunda asuba sbd ruwan da aka kwana ana zubawa yasashi tunanin gininsa da akeyi acikin gidan da baa kammalaba Wanda yasa ai masa daki daya da bandaki

amarya yakeson yi to anan zai kawota ya gwamutsa cikinsu innar.

 

Koda Yaya kabirun ya iso tuni innar tayi nisa Amma basuyi yunqurin kaita asibiti ba saima wani sabon tashin hankalin daya barke tsakaninsu sbd ganin hadiza ce silar koma meya samu mamar.

 

Kabiru buga rantsuwa yayi akan wallahi saita bar gidan da cikin,

Bazasu taba barinta ta zaunaba a gidan baqin cikin rainon ciki da goyon shege ya kashesu mama

hakama bazasu yarda ta Bata musu sunan dasukai gwagwarmayar samarwa kansuba lokacinda take Lagos tana zubarda mutuncinta da qimartaba.

 

Yaya Umar dinma bayan kabirun yabi akan Takoma inda tafito da cikin.

 

Rokonsu takeyi tana wani irin kukan tausayi da tsananin quncin datake ciki akan su yarda da ita Bata taba aikata Zina ba Amma Sam babu Wanda ya saurareta saima qara harzuqa dasukeyi da tsananin fushi da bacin rai,Yaya Umar Dukan mutuwa yakeson yi Mata Amma Inna dake kuka sosai ta Hana ta riqesa tana bayyanarda nata fishin itama.

 

Riqonsu tadawo yi akan su fito da mama akaita asibiti

Nan ne Umar yabi takan qafafuwanta ynaa neman tattakawa a fusace yace”

 

Uban waye Zaki fadawa akai mama asibiti? Lokacinda kike zubarda mutuncinki kinyi tunanin halinda zata shiga Idan taganki da wanna abun.

 

Kukanta qafewa yayi alokacin sbd a yanzu mahaifiyarta kawai takeson yiwa bayanin gaskiyarta,

Mahaifiyarta dake cikin mawuyacin hali takeson tabbatarwa Bata lalaceba Kaman ynada suke tunani.

 

Gurin Inna ta rarrafa tana roqonta akan subarta taga mama Dan Allah.,

 

Wallahi tallahi Inna ban taba aikata abinda kuke tunaniba,

Inna ku yarda Dani Dan Allah,

Wlh Inna cikina kwanci yayi sai yanzu yatashi,

 

Inna wlh cikin Salisu ne,Dan Allah inna ke ki yarda Dani…….kuka ta fashe dashi Mai tsananin ciwo tana sauke kanta sbd babu sassauci ko alamar yarda da ita atareda kowa.

 

Tashin hankalin data samu kanta dawowarta bata dauka zata tadda hakanba.

 

Duk wani sauki da rahama Bata samu daga yayyunta har innar ba qarshema haka ciwo ya tasar Mata Wanda tabbatar naqudace Amma tashin hankali yakasa barinta tanema guri ta nutsu ko haihuwarce zatazo.

 

Irin wulaqanci da tozarcin da yayunta sukai Mata bazai taba barin tasamu sassaucin nauyin zuciyarta ba har abada,

Sunkuma tabbatar Mata da wallahi bazata taba rainon cikinba a gidan bare haihuwarsa,

Idanma ta haifesa koko zasusa abasa yasha ya mutu su sun huta itama ta huta da renon ‘dan da babu uba hakama shi kansa Dan ya huta da girma a duniya yatashi cikin gori da wulaqanci.

 

Masiface da tozarci Wanda ya haddasawa maqota sanin abinda tadawo dashi daga Lagos din suka ringa zuba Mata cikin fushi da bacin Rai,

 

Da yawa wasu sunshigo da sunan duba Inna Dan su tabbatarwa da idonsu cikin shege tayo daga zuwa Lagos….

 

Bata taba kukan Rashin mahaifintaba da Rashin Salisu kamar ayau datai wunin tsananin baqin ciki da danasanin tafiyarta Lagos sbd da agaban iyayenta cikin ya farfado da babu Wanda zaiyi Mata Wannan yankan qaunar.

 

Idanuwanta sunyi wani irin kumburi da Bata iya gani sosai.

 

Daddafawa tayi bayan tasamu dare yayi su Yaya Umar sunbar gidan ta shigo dakin da mahaifiyarta take ta zube gabanta Daqyar sbd tsananin azabar naquda.

 

Hawaye ne suka gangaro Mata takai hanunta dake rawa ahankali ta dafa na mahaifiyarta tareda rintse ido wasu hawayen na tsananta Mata gudu.

 

Kuka takeson yi ganin yanda mahaifiyarta ke numfashi ahankali alamar samun sauki saidai bazata kukanba Dan naqudarta tagama zuwa kusa,ta gyara zamanta da qyar tana hada wani irin zufan gaske tako Ina jikinta azababbiyar azaba takeji Dan haka ta damqe hannun mahaifiyarta da qarfi tana sake wani irin gurnanin Nishi tana Kiran sunayen Allah a azabance.

 

Inna na dakinta kwance zazzabi Mai tsananin gske ya kwantar da ita da wannan babbar masifar data kunno musu Kai Dan haka batasan meyake faruwa da hadizan ba.

 

Naquda Mai tsananin wuya da azaba takeyi gadan gadan

Tagama jiqewa sharkaf da zufa

hakama mama tuni tafara bude idanuwanta cikin tsananin ciwo,

 

Tanajin ‘yarta na nakuda Kuma Mai wuya da azaba Amma babu abinda zata iya yimata hakama babu Wanda zai taimaka Mata…

 

Hawaye da ‘dacin tausayin ‘yartane ya gangaro gefen idonta

ta Dan motsa hanunta dana hadizan yake Kai ta kama hannun hadizar ahankali idanuwanta na zubowa da wasu hawayen masu zafin gaske.

 

Hadiza taji mamar Amma bazata iya magana ba ko juyowa takalleta saima wani wahalllen Nishin datake fitarwa tana fidda Rai ga rayuwa,.

 

Jin take da zata mutu agurin wannan naqudar data godewa Allah ta huta da Wannan rayuwar da babu komai acikinta sai qunci da damuwa.

 

Wani qaqqarfan Nishi ne yafara zuwar Mata Idanuwanta sukai jajir gumin na sake jiqota tako Ina…

 

Cikin dauriya da azaba tafara Addua sbd sanin adduar mace Mai naquda karbabbiyace inshallah.

 

“Ya Allah kaine masanin gaskiyata nida abinda zan Haifa,

 

Ya Allah ka albarki rayuwarsa ko rayuwarta Idan mace ce,

 

Allah ka tallafi rayuwar abinda zan Haifa ka datar dashi kyakkawar rayuwar kwanciyar hankali da nutsuwa.

 

Mahaifiyarta da ‘danta Abdul take kokarin yiwa Addua Amma Ina mamar kawai tasamu damar rokarwa Allah sauki jariri ya kunno Kai Kuma adaidai lokacin mama Allah yabata ikon riqe hannunta kyau Dan sassauta Mata radadin datake ciki na kutsowar ‘da ya fito ta jikinka.

 

Gabaki daya jaririn ya fado tareda sake lafiyayyan kukan jarirai ba kakkautawa.

 

Wani irin numfashi take saukewa da a wahalce tana Kai hannu inda jaririn yake ta dauko ta Dora jikinta.

 

Daqyar ta bude idonta dakyau ta Dan daga kafar jaririn taga ‘ya mace ce

Take wasu hawayen suka gangaro Mata masu dumi,

 

Duk da hakan ta godewa Allah daya Bata abinda ta haifar Amma taso namijine sbd zaifi samun qwarin zuciyar fuskantar zunde da qalubalan maganar da zaa ringa binsa dasu na Kalmar ‘da Mara uba.

 

Kukan jaririyar ne ya karade gida tako Ina

A gigice Inna ta taso ta fado dakin tana Kiran sunan hadiza.

 

Da mamaki da tausayi take kallon hadizar tana cewa”

 

Hadiza ke kadai Kika haihu acikin wannan halin?

 

Komawa tayi da hanzari ta dauko sabuwar Reza a dakinta tazo ta yanke cibin jaririyar tana kallon fuskar Yar da fitilar hannunta.

 

Bata iya cewa komaiba sbd batasan Mai zata fada ba,

Rayuwarsu cikin Rana daya Allah ya juya musu akalarta inda yaso dan haka take fatar Allah yabasu ikon cinye Wannan jarabawar.

 

Ruwan zafi ta Dora acikin tsakar dare tazo ta karba karba Yar ta wanke tas

Ta juyewa hadizar sauran ruwan itama ta lallaba taje tayo wanka tadawo.

 

Sauran tafasasshen ruwan hadiza ta karba Tasha sosai sbd babu abinci babu komai.

 

Komawa sukayi suka zauna jigum jigum babu Mai cewa qala.

 

Hadizar zaune take bakin shimfidar mama Idanuwanta dake kumbure ta zubawa jaririyar tana kallo duk da acikin duhune Bata ganin komai.

 

Hannu mahaifiyarta taji akan kafadarta

Ta juyo ahankali idanuwanta na Mata nauyi da radadi ta kalla maman cikin duhu ta bude Baki jikinta matuqar sanyaye muryarta a shaqe tace”

 

Mama ‘ya mace ce na Haifa.